Radio Makalu 102.1 MHz

काठमाडौँ, फागुन १५ गते । नेपाल विज्ञान तथा प्रविधि प्रज्ञा–प्रतिष्ठान (नास्ट) का उपकुलपति सुनिलबाबु श्रेष्ठले छिट्टै युवा वैज्ञानिक फोरमको शुरुआत गरिने बताउनुभएको छ । बुधबार आयोजित ‘एकवर्षे कार्यकालको समीक्षा’मा उहाँले वैज्ञानिक क्रियाकलापमा प्रोत्साहन र युवा वैज्ञानिकका कार्यक्रमलाई सहजीकरण गर्न उक्त फोरमको थालनी गरिन लागेको जानकारी दिनुभयो ।

‘समृद्धिका लागि अनुसन्धान र नवप्रवर्तन’ भन्ने मूल नाराको साथ गत कात्तिक ४ देखि ६ गतेसम्म अन्तर्राष्ट्रिय युवा वैज्ञानिक सम्मेलन सम्पन्न भएको थियो । गत असोज १ गते राष्ट्रिय नवप्रवर्तन ढाँचा, प्राज्ञ– प्रतिष्ठानको सहयोगी हात सर्वसाधारणसम्म पु¥याउन नागरिकसँग नास्ट, देश र विदेशमा रहेका प्रतिभाशाली वैज्ञानिकको ज्ञान तथा सीप उपभोग गर्न तथा वैज्ञानिक परिचय प्रकाशनको तयारी गरिएको कार्यक्रममा जानकारी दिइयो ।
यसैगरी विदेशमा रहेका नेपाली वैज्ञानिकलाई स्वदेशमा भित्र्याउन प्राथमिता दिइएको र विज्ञान र प्रविधिका क्षेत्रका विषयवस्तुमा छलफल गर्न महिनाको एकपटक वार्ताको थालनी तथा सातै प्रदेशमा एक/एक प्राज्ञ–प्रतिष्ठानका विषयगत अनुसन्धान केन्द्र खोलिने तयारी गरिएको उहाँले जानकारी दिनुभयो ।

कार्यक्रममा नास्टले सिटी नेट, च्याउ उत्पादन, भू–क्षय रोकथाम, घाँस उत्पादन र वातावरणीय सुधार गरी सामाजिक आर्थिक रुपान्तरणमा उपयोगी देखिएको जुनकावा प्रविधि हस्तान्तरण गर्न सम्बन्धित निकायसँग समझदारीपत्रमा हस्ताक्षर सम्पन्न गरेको जानकारी दिइयो ।

नास्टका अतिरिक्त विभिन्न प्रयोगशालाबाट दिँदै आइरहेको वैज्ञानिक परीक्षण सेवालाई एउटै छातामुनि ल्याउने उद्देश्यले नास्ट विश्लेषण सेवा केन्द्र, संस्थाको गतिविधि चुस्तदुरुस्त बनाउन मोबाइल एप्स र नास्टलाई योजनाबद्ध विकास र व्यवस्थित पार्न गुरुयोजना अघि बढाइएको नास्टका प्रवक्ता सुरेशकुमार ढुङ्गेलले जानकारी दिनुभयो ।

उहाँले भन्नुभयो, “ महिला वैज्ञानिक फोरम, विगतमा नास्टले नसमेटेका चार कुलपति राष्ट्रिय नवप्रवर्तन, महिला वैज्ञानिक, उत्कृष्ट विज्ञान शिक्षक र उत्कृष्ट विद्यार्थी पुरस्कारको स्थापना गरी वितरणको शुरुआत पनि यसै वर्षदेखि गरिएको छ ।”

‘नेपाल जर्नल अफ साइन्स एण्ड टेक्नोलोजी’को आगामी दुई महिनाभित्र नयाँ प्रकाशन तयारी भएको कार्यक्रममा जानकारी दिइयो ।कार्यक्रममा नास्टको प्रयोगशालामा कार्यरत कर्मचारीलाई जोखिमभत्ता वितरण गर्न बजेट व्यवस्था गरिएको जानकारी दिइयो । - गोरखापत्र दैनिकबाट 

काठमाडौ, फागुन १३ गते । पश्चिमी न्यून चापीय वायुको प्रभाव अझै दुई–तीन पर्ने जल तथा मौसम पूर्वानुमान महाशाखाले जनाएको छ । पश्चिमी न्यून चापीय प्रणालीको प्रकृति कमजोर रहे पनि तल्लो वायुमण्डलमा स्थानीय वायुको प्रभाव रहेकाले बदलीसँगै हल्का वर्षा भइरहेको मौसमविद् राजु प्रधानाङ्गले बताउनुभयो । “अहिलेकोे प्रकृति हेर्दा अझै दुई–तीन दिन मौसम सुधार हुने अवस्था छैन”, मौसमविद् प्रधानाङ्गले भन्नुभयो ।

उहाँका अनुसार प्रि–मनसुनको मौसमको पूर्वावस्था भएकाले पनि यस्तो गतिविधि तथा मौसम फेरबदल भइरहेको हो । नेपालमा प्रि–मनसुन भित्रिने सरदर समय मार्च १ हो । यसलाई हेर्दा अब प्रि–मनसुन प्रवेश गर्न सात–आठ दिन बाँकी छ । अङ्ग्रेजी महिना मार्चदेखि शुरु हुने प्रि–मनसुन मे महिनासम्म रहने गर्छ । त्यस अवधिमा पहाडी भेगमा दिनभर घाम लाग्ने र अपराह्न तथा साँझपख हावाहुरी, मेघ गर्जन चट्याङसहित फाटफुट वर्षा हुने गर्दछ ।

हाल न्यून चापीय प्रणालीको प्रभावले पश्चिमी भूभागमा सामान्यदेखि पूर्ण बदली रही केही स्थानमा मेघ गर्जन चट्याङसहित हल्का वर्षा भइरहेको छ भने बाँकी स्थानमा आंशिकदेखि सामान्य बदली रहेको छ ।
राति देशको मध्य तथा पूर्वी भूभागमा आंशिकदेखि सामान्य बदली रही पूर्वी तथा मध्य भेगका केही स्थान र पश्चिमका एक वा दुई स्थानमा मेघ गर्जन चट्याङसहित वर्षाको सम्भावना रहेको मौसम पूर्वानुमान महाशाखाले जनाएको छ ।

भोलि देशभर आंशिकदेखि सामान्य बदली रही देशका केही स्थानमा मेघ गर्जन चट्याङसहित वर्षाको सम्भावना रहेको बताइएको छ । बिहीबार देशको पहाडी भेगमा आंशिकदेखि सामान्य बदली भई हल्का वर्षाको सम्भावना रहेको जनाएको छ । महाशाखाको पछिल्लो विवरणअनुसार आज काठमाडौँ उपत्यकाको न्यूनतम तापक्रम छ दशमलव दुई र अधिकतम तापक्रम २३ दशमलव शून्य डिग्री रहेको छ । त्यस्तै आज जुम्लाको न्यूनतम तापक्रम सबैभन्दा कम माइनसमा झरेको छ ।- गोरखापत्र दैनिकबाट 

काठमाडौं, फागुन ९ गते । सरकारले नवप्रवर्तन (नयाँ प्रविधिको माध्यमबाट कम समय, लागत तथा स्रोतको उपयोग गरी उच्च गुणस्तरको आविष्कार तथा प्रणालीको विकास गर्ने स्वउद्यम) काम गर्न चाहनेलाई ५० लाख रुपैयाँसम्म शुरुवाती उपलब्ध गराउने भएको छ ।

आर्थिक वर्ष २०७६/७७ को बजेटमा उल्लेख गरेको कार्यक्रम कार्यान्वयनका लागि कार्यविधि तयार पारेको छ । कार्यविधि अनुसार नवप्रर्वतनको काम गर्न चाहने व्यक्ति/व्यवसायीले कूल लागतको ५० प्रतिशतसम्म सरकारबाट अनुदान पाउने भएको छ । त्यस्तो अनुदान अधिकतम् ५० लाख रुपैयाँसम्म हुने कार्यविधिले उल्लेख गरेको छ ।

सरकारले हरेक वर्ष नवप्रवर्तनीय कार्य संचालनका लागि रकम विनियोजन गर्ने भएको छ । त्यसबाट शुरुवाती पूँजीका रुपमा लगानी हुने प्रस्तावको लागत तथा त्यसबाट प्रभावको आधारमा कूल लागतको बढीमा ५० प्रतिशतसम्म सरकारले अनुदान दिने छ ।

त्यस्तो रकम ५० लाख हुने कार्यविधिमा प्रावधान राखिएको छ । अनुदान प्राप्त गर्न भने अर्थ मन्त्रालयले छनोट समिति बनाउने भएको छ । सरकारले चालु आवबाट पहिलोपटक यस्तो प्रावधान ल्याएको हो ।

अनुदान वितवरण गर्न निर्देशन समिति बन्ने

कार्यविधि अनुसार नवपर्वतनका कार्य गर्ने उद्यमीलाई शुरुवाती पूँजी अनुदानस्वरुप उपलब्ध गराउने सम्बन्धका कामकारवाही व्यवस्थित गर्न एक निर्देशन समिति बन्ने भएको छ ।

उक्त समितिको संयोजक राष्ट्रिय योजना आयोगका एक सदस्य हुनेछन् । उनलाई आयोगका उपाध्यक्षले जिम्मेवारी तोक्न सक्ने प्रावधान बनाइएको छ ।

अर्थ मन्त्रालय, उद्योग वाणिज्य तथा आपूर्ति मन्त्रालय, शिक्षा, विज्ञा तथा प्रविधि मन्त्रालयका सहसचिव सदस्य रहनेछन् भने राष्ट्रिय योजना आयोगका सहसचिवलाई सदस्यसचिवको जिम्मेजारी तोकिएको छ । यो समितिको सचिवालयसमेत आयोगमै रहने भएको छ ।

कस्तो क्षेत्रका उद्यमीले पाउँछन् अनुदान ?

सूचना प्रविधि, कृषि, ऊर्जा, स्वास्थ्य सेवा, पर्यटन प्रविधि विकास, रोजगारी सिर्जना जस्ता नवप्रवर्तनीय ज्ञान, सीप र क्षमता भएका आविश्कारकर्ताले यस्तो अनुदान पाउने छन् ।

नवप्रर्वतीय ज्ञान, सीप र क्षमताबाट कुनै वस्तु वा सेवाको आविश्कार, उत्पादन वा

व्यवसाय गर्न आवश्यक लगानी जुटाउन नसकेका लघु, घरेलु, साना तथा मझौला उद्यमी र व्यवसायीले यस्तो अनुदान पाउने भएका छन् ।

अनुदानको प्रस्ताव आहृवान गरिने

निर्देशन समितिले नै अनुदानका लागि प्रस्ताव आहृवान गर्ने जिम्मेवारी कार्यविधिले दिएको छ । समितिले नवप्रर्वतनीय काम गर्न चाहने उद्यमी तथा व्यक्तिबाट दुई वटा राष्ट्रिय दैनिक सूचना प्रकाशित गरि समितिले प्रस्ताव माग्ने भएको छ ।

यस्तो प्रस्ताव आइसकेपछि नवप्रवतनीय कार्यका लागि अनुदान प्राप्त गर्न चाहने आविश्कारकर्ता, उद्यमी, व्यवसायी वा संस्थाले आफूले गर्न खोजेको काम, त्यसको जोखिम, प्रतिफल, आवश्यक रकम, नेपाल सरकारबाट अपेक्षा गरिएको अनुदान रकम, त्यसले अर्थतन्त्रमा पार्ने प्रभावजस्ता विषय समेटेर निवेदन दिनुपर्ने भएको छ । यसको ढाँचा निर्देशक समितिले नै बनाउने भएको छ ।

आएका प्रस्तावमाथि मूल्यांकन गर्न निर्देशक समितिले उपसमिति बनाउने भएको छ । उपसमितिले १ महिना भित्र मूल्यांकन गरी अनुदान सिफारिस गर्न सक्नेछ ।

काम शुरु गरेपछि पहिलो किस्ता

अनुदानका लागि छनोट भएका व्यक्ति तथा उद्यमीले अनुदानको पहिलो किस्ता काम शुरु गरेपछि पाउने भएका छन् । दोस्रो किस्ता कार्यप्रगतिका आधारमा माग भएअनुसार र तेस्रो किस्ता काम सम्पन्न भएपछि पाउने गरी कार्यविधि बनाइएको छ ।

यस्तो अनुदान कार्यक्रममा प्रयोग नभएको पाइएमा यो रकम सरकारी बाँकि सरह असुल उपर हुने कार्यविधिले स्पष्ट पारेको छ । अनुदान जुन प्रयोजनका लागि लिइएको हो, सोही प्रयोजनमा खर्च गर्नुपर्ने गरी प्रावधान बनाइएको हो ।

अनुदान पाउने व्यक्ति स्थायी लेखा नम्बर लिने र कर्जा सूचना केन्द्रको कालोसूचिमा नपरेको हुनुपर्छ ।

काठमाडौँ, कात्तिक १६ गते । नेपालले वायु प्रदूषण घटाउन औद्योगिक राष्ट्र बढी क्रियाशील हुनुपर्नेमा जोड दिँदै त्यसका लागि ती राष्ट्रले वित्तीय सहायता बढाउनुपर्ने आवश्यकता औँल्याएको छ ।

उपप्रधानमन्त्री एवं स्वास्थ्य तथा जनसङ्ख्यामन्त्री उपेन्द्र यादवले वायु प्रदूषण तथा स्वास्थ्यसम्बन्धी विश्व स्वास्थ्य सङ्गठनको जेनेभामा भएको प्रथम सम्मेलनलाई बिहीबार सम्बोधन गर्दै अल्पविकसित, भूपरिवेष्टित विकासोन्मुख तथा विकासोन्मुख साना टापु मुलुकलाई औद्योगिक राष्ट्रले ज्ञान, सीप र प्रविधिका माध्यमबाट सघाउनुपर्ने बताउनुभयो ।

हावाको गुणस्तर सुधार, जलवायु परिवर्तन प्रतिरोध र जीवन जोगाउने विषयमा केन्द्रित रहेर मन्तव्य व्यक्त गर्दै उहाँले हरितगृह ग्यास उत्सर्जनमा नेपालको नगण्य भूमिका रहेको स्पष्ट गर्दै त्यसको विषम प्रभावबाट नेपाल पनि अछुतो नरहेको बताउनुभयो । जेनेभास्थित संयुक्त राष्ट्रसङ्घीय कार्यालय तथा अन्य अन्तर्राष्ट्रिय सङ्गठनका लागि स्थायी नेपाली नियोगका अनुसार मन्त्री यादवले वायु प्रदूषण नियन्त्रणमा नेपालको अनुभव, वायु प्रदूषण हुन नदिन नेपाल सरकारले अवलम्बन गरेका नीति तथा कार्यक्रमबारे जानकारी दिनुभयो ।

स्वच्छ वायुमण्डल र पर्यावरणको सुनिश्चितताका निम्ति जलविद्युत् उत्पादन एवं आपूर्ति, विद्युतीय सवारी साधनको थालनी, डिजेलबाट सञ्चालन हुने यन्त्रको अति कम प्रयोग, सौर्य ऊर्जाको उपयोग, सवारी साधनको वायु प्रदूषणस्तर मापन अनिवार्य गर्नुका साथै फोहरमैलाको उचित व्यवस्थापनलाई प्राथमिकतासाथ कार्यान्वयन गरिएको उहाँले बताउनुभयो । - रासस

 
लस एन्जलस, भदौं २९ गते । स्पेसएक्सले बीग फाल्कन रकेट (बीएफआर) को प्रयोग गरी चन्द्रमाको परिधिमा पर्यटक लैजाने नयाँ योजना बिहीबार सार्वजनिक गरेको छ । अन्तरिक्षमा पर्यटकलाई लैजाने गरी बीएफआरमा व्यापक सुधार सहित डिजाइन गरिएको कम्पनीले जनाएको छ ।
कम्पनीले बीएफआरको प्रयोगमार्फत चन्द्रमाको परिधिमा उड्नका लागि विश्वकै पहिलो यात्रुसँग सम्झौता गरिसकेको बताएको छ । अन्तरिक्षमा यात्रा गर्ने सपना बोकेका व्यक्तिका लागि यो एउटा प्रस्थानविन्दु हो ।
स्पेसएक्सले यसबारेमा थप विवरण सार्वजनिक गरेको छैन ।
टेस्ला विद्युतीय कार निर्माता कम्पनीका प्रमुख कार्यकारी इलोन मस्कले चन्द्रमाको परिधिमा यात्रु लैजाने घोषणा गरेको यो पहिलोपटक भने होइन । क्यालिफोर्नियाको यो कम्पनीले यसअघि पनि अन्तरिक्षमा पर्यटक लैजाने घोषणा गरेको थियो ।
सन् २०१७ को फेब्रुअरीमा स्पेसएक्सले सन् २०१८ को अन्त्यसम्ममा दुई जना पर्यटकलाई अन्तरिक्षमा पठाउने घोषणा गरेको थियो ।
स्पेसएक्सले हाल अन्तर्राष्ट्रिय अन्तरिक्ष स्टेसनमा आवश्यक सामग्री लैजाने काम गरिरहेको छ । स्पेसएक्सले यसअघि फाल्कन हेभी रकेट प्रक्षेपण गरिसकेको छ । तर, हालैका महिनामा यात्रुलाई अन्तरिक्षमा लैजाने कुरा स्थगित भएको थियो ।
अन्तरिक्षमा जान चाहने दुई व्यक्तिको नाम र उनीहरुले भुक्तानी गर्नुपर्ने रकमका बारेमा कम्पनीले कहिल्यै सार्वजनिक गरेको थिएन ।
स्पेसएक्स समक्ष एएफपीले विस्तृत विवरण उपलब्ध गराउन अनुरोध गरेपनि कम्पनीले सोमबार मात्र विस्तृत जानकारी दिइने जनाएको छ ।
मानवले सन् १९७२ मा एपोलो रकेट मार्फत चन्द्रमामा पहिलो पाइला टेकेका थिए ।
चन्द्रमामा अहिलेसम्म केबल २४ जनाले पाइला टेकेका छन् ।
स्पेसएक्स अमेरिकी अन्तरिक्ष एजेन्सी (नासा) को मुख्य व्यापारिक साझेदार कम्पनी हो र यसले अन्तरिक्ष स्टेसनका लागि आवश्यक सामान ओसारपसारको काम गर्ने लक्ष्य राखेको छ ।
बोइङ कम्पनीले पनि रकेट निर्माणको काम गरिरहेको छ, र यसको रकेट सन् २०१९ भित्र प्रक्षेपण गर्ने योजना छ ।
स्पेसएक्सले हाल अन्तरिक स्टेसनका लागि सामान लैजान नासासँग एक अर्ब ६० करोड डलरको सम्झौता गरेको छ । स्पेसएक्सले नयाँ डिजाइन गरेको बीएफआरमा ३१ वटा इन्जिन रहेका र यसले १५० टन भारी बोक्न सक्दछ ।

लस एन्जलस, भदौं २९ गते । स्पेसएक्सले बीग फाल्कन रकेट (बीएफआर) को प्रयोग गरी चन्द्रमाको परिधिमा पर्यटक लैजाने नयाँ योजना बिहीबार सार्वजनिक गरेको छ । अन्तरिक्षमा पर्यटकलाई लैजाने गरी बीएफआरमा व्यापक सुधार सहित डिजाइन गरिएको कम्पनीले जनाएको छ ।
कम्पनीले बीएफआरको प्रयोगमार्फत चन्द्रमाको परिधिमा उड्नका लागि विश्वकै पहिलो यात्रुसँग सम्झौता गरिसकेको बताएको छ । अन्तरिक्षमा यात्रा गर्ने सपना बोकेका व्यक्तिका लागि यो एउटा प्रस्थानविन्दु हो ।
स्पेसएक्सले यसबारेमा थप विवरण सार्वजनिक गरेको छैन ।
टेस्ला विद्युतीय कार निर्माता कम्पनीका प्रमुख कार्यकारी इलोन मस्कले चन्द्रमाको परिधिमा यात्रु लैजाने घोषणा गरेको यो पहिलोपटक भने होइन । क्यालिफोर्नियाको यो कम्पनीले यसअघि पनि अन्तरिक्षमा पर्यटक लैजाने घोषणा गरेको थियो ।
सन् २०१७ को फेब्रुअरीमा स्पेसएक्सले सन् २०१८ को अन्त्यसम्ममा दुई जना पर्यटकलाई अन्तरिक्षमा पठाउने घोषणा गरेको थियो ।
स्पेसएक्सले हाल अन्तर्राष्ट्रिय अन्तरिक्ष स्टेसनमा आवश्यक सामग्री लैजाने काम गरिरहेको छ । स्पेसएक्सले यसअघि फाल्कन हेभी रकेट प्रक्षेपण गरिसकेको छ । तर, हालैका महिनामा यात्रुलाई अन्तरिक्षमा लैजाने कुरा स्थगित भएको थियो ।
अन्तरिक्षमा जान चाहने दुई व्यक्तिको नाम र उनीहरुले भुक्तानी गर्नुपर्ने रकमका बारेमा कम्पनीले कहिल्यै सार्वजनिक गरेको थिएन ।
स्पेसएक्स समक्ष एएफपीले विस्तृत विवरण उपलब्ध गराउन अनुरोध गरेपनि कम्पनीले सोमबार मात्र विस्तृत जानकारी दिइने जनाएको छ ।
मानवले सन् १९७२ मा एपोलो रकेट मार्फत चन्द्रमामा पहिलो पाइला टेकेका थिए ।
चन्द्रमामा अहिलेसम्म केबल २४ जनाले पाइला टेकेका छन् ।
स्पेसएक्स अमेरिकी अन्तरिक्ष एजेन्सी (नासा) को मुख्य व्यापारिक साझेदार कम्पनी हो र यसले अन्तरिक्ष स्टेसनका लागि आवश्यक सामान ओसारपसारको काम गर्ने लक्ष्य राखेको छ ।
बोइङ कम्पनीले पनि रकेट निर्माणको काम गरिरहेको छ, र यसको रकेट सन् २०१९ भित्र प्रक्षेपण गर्ने योजना छ ।
स्पेसएक्सले हाल अन्तरिक स्टेसनका लागि सामान लैजान नासासँग एक अर्ब ६० करोड डलरको सम्झौता गरेको छ । स्पेसएक्सले नयाँ डिजाइन गरेको बीएफआरमा ३१ वटा इन्जिन रहेका र यसले १५० टन भारी बोक्न सक्दछ । (रासस/एएफपी)


लस एन्जलस, भदौं २९ गते । स्पेसएक्सले बीग फाल्कन रकेट (बीएफआर) को प्रयोग गरी चन्द्रमाको परिधिमा पर्यटक लैजाने नयाँ योजना बिहीबार सार्वजनिक गरेको छ । अन्तरिक्षमा पर्यटकलाई लैजाने गरी बीएफआरमा व्यापक सुधार सहित डिजाइन गरिएको कम्पनीले जनाएको छ ।

कम्पनीले बीएफआरको प्रयोगमार्फत चन्द्रमाको परिधिमा उड्नका लागि विश्वकै पहिलो यात्रुसँग सम्झौता गरिसकेको बताएको छ । अन्तरिक्षमा यात्रा गर्ने सपना बोकेका व्यक्तिका लागि यो एउटा प्रस्थानविन्दु हो ।

स्पेसएक्सले यसबारेमा थप विवरण सार्वजनिक गरेको छैन ।

टेस्ला विद्युतीय कार निर्माता कम्पनीका प्रमुख कार्यकारी इलोन मस्कले चन्द्रमाको परिधिमा यात्रु लैजाने घोषणा गरेको यो पहिलोपटक भने होइन । क्यालिफोर्नियाको यो कम्पनीले यसअघि पनि अन्तरिक्षमा पर्यटक लैजाने घोषणा गरेको थियो ।

सन् २०१७ को फेब्रुअरीमा स्पेसएक्सले सन् २०१८ को अन्त्यसम्ममा दुई जना पर्यटकलाई अन्तरिक्षमा पठाउने घोषणा गरेको थियो ।

स्पेसएक्सले हाल अन्तर्राष्ट्रिय अन्तरिक्ष स्टेसनमा आवश्यक सामग्री लैजाने काम गरिरहेको छ । स्पेसएक्सले यसअघि फाल्कन हेभी रकेट प्रक्षेपण गरिसकेको छ । तर, हालैका महिनामा यात्रुलाई अन्तरिक्षमा लैजाने कुरा स्थगित भएको थियो ।

अन्तरिक्षमा जान चाहने दुई व्यक्तिको नाम र उनीहरुले भुक्तानी गर्नुपर्ने रकमका बारेमा कम्पनीले कहिल्यै सार्वजनिक गरेको थिएन ।

स्पेसएक्स समक्ष एएफपीले विस्तृत विवरण उपलब्ध गराउन अनुरोध गरेपनि कम्पनीले सोमबार मात्र विस्तृत जानकारी दिइने जनाएको छ ।

मानवले सन् १९७२ मा एपोलो रकेट मार्फत चन्द्रमामा पहिलो पाइला टेकेका थिए ।

चन्द्रमामा अहिलेसम्म केबल २४ जनाले पाइला टेकेका छन् ।

स्पेसएक्स अमेरिकी अन्तरिक्ष एजेन्सी (नासा) को मुख्य व्यापारिक साझेदार कम्पनी हो र यसले अन्तरिक्ष स्टेसनका लागि आवश्यक सामान ओसारपसारको काम गर्ने लक्ष्य राखेको छ ।

बोइङ कम्पनीले पनि रकेट निर्माणको काम गरिरहेको छ, र यसको रकेट सन् २०१९ भित्र प्रक्षेपण गर्ने योजना छ ।

स्पेसएक्सले हाल अन्तरिक स्टेसनका लागि सामान लैजान नासासँग एक अर्ब ६० करोड डलरको सम्झौता गरेको छ । स्पेसएक्सले नयाँ डिजाइन गरेको बीएफआरमा ३१ वटा इन्जिन रहेका र यसले १५० टन भारी बोक्न सक्दछ । - रासस/एएफपी

सन् २०१७ मा विश्वका सबैभन्दा धनी अर्वपतिहरुले कुल १० खर्ब डलर सम्पत्ति थप गरेका छन् । यस वर्ष आफ्नो सम्पत्ति सबैभन्दा धेरै बढाउनेमा अमेजनका मालिक जेफ बेजोस पहिलो नम्बरमा छन् ।

ब्लुम्बर्गले सार्वजनिक गरेको पछिल्लो रिपोर्ट अनुसार विश्वका सबैभन्दा धनी ५ सय अर्बपतिहरुको गत वर्षको कुल सम्पत्ति ४० खर्ब ४० अर्ब रहेकोमा यो वर्ष ५० खर्ब ३० अर्ब डलर पुगेको छ । उनीहरुको कुल सम्पत्तिमा सन् २०१६ मा भएको वृद्धिभन्दा सन् २०१७ मा भएको वृद्धि ४ गुणा बढि हो ।

अमेजन कम्पनीको शेयर मूल्यमा भएको व्यापक वृद्धिसँगै यसका मालिक जेफ बेजोसको कुल सम्पत्ति ३४ अर्ब २० करोडले बढ्नेमात्र होइन, उनी बिल गेट्सलाई पछि पार्दै विश्वकै सबैभन्दा धनी व्यक्ति बन्न पुगे । त्यस्तै उनी १ खर्ब डलर सम्पत्ति हुने विश्वको पहिलो र एकमात्र व्यक्ति बन्न पनि सफल भए । हालचाहीँ उनको सम्पत्ति केही घटेर ९९ अर्ब ६० करोड रहेको छ ।

त्यस्तै सन् २०१३ देखि लगातार पहिलो नम्बरमा रहेर यो वर्ष दोश्रो नम्बरमा धकेलिएका माइक्रोसफ्ट संस्थापक बिल गेट्सले पनि यो वर्ष आफ्नो कुल सम्पत्तिमा ८ अर्ब ८९ करोड डलर वृद्धि गर्न सफल भए । आफ्नो सम्पत्तिको ठूलो हिस्सा च्यारिटीमा दान गर्दा पनि उनको अहिलेको सम्पत्ति ९१ अर्ब ३० करोड डलर रहेको छ ।

तर यो वर्ष सबैभन्दा धेरै कमाउनेमा अमेजनका बेजोस पछाडि चिनिया प्रोपर्टी डेभलपर हुई का यान छन् । उनले गत वर्षभन्दा आफ्नो सम्पत्तिमा ३ सय ५० प्रतिशतले वृद्धि गरे । यो वर्ष उनले आफ्नो सम्पत्ति २५ अर्ब ९० करोड डलरले थप गरे ।

त्यस्तै फ्रेन्च व्यापारी बर्नार्ड आर्नोल्टले आफ्नो सम्पत्ति २३ अर्ब ६० करोड डलरले वृद्धि गर्न सफल भए ।

फेसबुक संस्थापक मार्क जुकरबर्गले सन् २०१७ मा आफ्नो कुल सम्पत्तिमा २२ अर्ब ६० करोड डलर थप गर्दै धेरै सम्पत्ति जोड्नेमा चौथो स्थानमा रहेका छन् । उनले आफ्नो कुल सम्पत्ति ७२ अर्ब ६० करोड डलर पूराएका छन् ।

ब्लुम्बर्गको रिपोर्ट अनुसार यो वर्ष सबैभन्दा धेरै सम्पत्ति जोड्नेमा अमेरिकी अर्बपतिहरु अगाडि छन् । अमेरिकाका १५९ जना अर्वपतिले कुल ३ खर्ब १५ अर्ब डलर सम्पत्ति थप गरेका छन् ।

त्यस्तै ३८ जना चिनिया अर्बपतिहरुले सन् २०१७ मा कुल १ खर्ब ७७ अर्ब डलर सम्पत्ति थप गरे भने २७ जना रुसी अर्बपतिले २९ अर्ब डलर सम्पत्ति थपेका छन् ।
रिपोर्ट अनुसार प्रविधि जगतका ५७ जना अर्बपतिहरुले गरी आफ्नो सम्पत्तिमा कुल २ खर्ब ६२ अर्ब डलर थप गरेका छन् । जुन गत वर्षभन्दा ३५ प्रतिशत बढि हो ।

समग्रमा विश्वका सबैभन्दा धनी ५ सय व्यक्तिमध्ये ४ सय अर्वपतिले यो वर्ष सम्पत्ति थप गर्न सफल भएका छन् । एजेन्सी

काठमाडौँ, पुस ११ गते । नेपाली इन्जिनियरिङ अध्ययनका विद्यार्थीले नयाँ प्रविधिको सवारीसाधन निर्माण गरेर त्यसको सफल परीक्षण गर्नुभएको छ । त्रिभुवन विश्वविद्यालयको इन्जिनियरिङ अध्ययन संस्थान, पुल्चोकका स्नातक तहमा अध्ययनरत मेकानिकल तर्फका चार जना विद्यार्थीले मौलिक प्रविधिको यस्तो गाडी तयार पार्नुभएको हो ।

वि.सं. २०७० को ब्याचका अमित पण्डित, वसन्त आले, दिपेश बुढाथोकी र रविकान्त चौधरीले चौथो वर्षको परियोजना कार्यका रूपमा थोत्रा गाडी र मोटरसाइकलका सामग्रीको संयोजन गरी नितान्त नयाँ प्रविधिको सवारी साधन निर्माण गर्नुभएको हो । उहाँहरूलाई सोही क्याम्पसका सहप्राध्यापक डा. नवराज भट्टराईले निर्देशन गर्नुभएको थियो । गाडीको गति पेट्रोल इन्धनमा प्रतिघन्टा ७० किलोमिटर र ब्याट्रीमा प्रतिघन्टा १७ किलोमिटर रहेको छ ।
मोटरसाइकल र कारका विशेषता रहेको तीनपाङ्ग्रे सवारी साधनले काठमाडौँका व्यस्त तथा उकाला ओराला सडकमा सफल यात्रा गरिसकेको छ । अनेक समस्या झेल्दै चार जना विद्यार्थीले तयार पारेको सवारी साधनले पुल्चोकबाट चोभारसम्मको उकालो ओरालो, बागबजारको व्यस्त, गठ्ठाघरसम्मको फराकिलो बाटोको यात्रा तय गरेको छ ।
गठ्ठाघर यात्राका क्रममा रहेकै बेला सडकमा गुडेको अनौठो सवारी साधनको फोटो खिचेर केदार वाशिष्ठले फेसबुकमा नाम, थर, गोत्र थाहा नभएको तर मोटरसाइकल, तीनपाङ्ग्रे र कारका संयोजित विशेषताका आधारमा उक्त सवारी साधनको नाम ‘मोतिका’ राखिदिएको पाएर निर्माता विद्यार्थीमध्येका एक वसन्त आलेले टिप्पणीमा लेख्नुभयो, “वाहनको न्वारान गरिदिनुभएकोमा सरलाई धन्यवाद !”
कारमा जस्तै अगाडिका दुई सिट रहेको उक्त सवारी साधनको पछाडिको संरचना सेनाको ट्याङ्कको जस्तो छ । मोटरसाइकलको साइलेन्सरलाई ट्याङ्कको तोपजस्तो गरेर डिजाइन गरिएको छ ।
पेट्रोल र विद्युतीय दुवै इन्धनबाट चल्ने ‘हाइब्रिड’ गाडी तयार पारेर सडकमा गुडाउँदासम्म त्यसलाई उचित नाम दिन नसकेको तर परियोजना कार्यको प्रतिवेदनमा भने हाइब्रिड ट्राइसाइकल भनेर उल्लेख गरिएको निर्माताहरूले बताउनुभयो ।
गोरखापत्रका सहसम्पादक केदार भट्टराईले आफ्नो फेसबुकमा सुझाएको नामबारे सहमति जनाउँँदै उहाँहरूले आफूहरूले उक्त सवारीको नाम वज्र राख्ने कि भनेर सोचेको भए पनि संयोजित विशेषता र नेपाली मौलिकता र मूल्य चेतनाका आधारमा पनि मोतिका नाम साँच्चिकै सही लागेको र त्यही नाम प्रयोग गर्ने बताउनुभयो ।
निर्माता विद्यार्थीको यो आविष्कार पहिलो भने होइन । चार वर्षअघि २०७० सालमा इन्जिनियरिङको प्रथम वर्षमा नै औपचारिक अध्ययन मात्र होइन, केही गरेर देखाउने जोश ती युवामा जागेको थियो । त्यसैले दोस्रो वर्ष नपुग्दै खेलौना रेसिङ कार ‘गो कार्ट’ तयार पारेको उहाँहरूले बताउनुभयो ।
यसैबीचमा २०७२ मा नेपालमा भारतले नाकाबन्दी ग¥यो । नेपालीले इन्धनको चरम अभाव झेल्नुपर्दा उहाँहरूको विचारमा परम्परागत र नवीकरणीय ऊर्जा दुवैबाट चल्ने सवारी साधन बनाउने सोच आयो । निर्मातामध्येका टोलीनेता अमित पण्डितले भन्नुभयो, “हामीलाई नाकाबन्दीले अवसर दियो । हामीले पुराना अटोमोबाइलका सामग्री प्रयोग गरेर नै मौलिक गाडी तयार पार्ने अठोट ग¥यौँ । ”
त्यसपछि उहाँहरू मोटरसाइकल र गाडीका इन्जिन तथा पार्टपुर्जा जुटाउन लाग्नुभयो । त्यसैका आधारमा मोटरसाइकलको इन्जिन एउटा पाङ्ग्रा, साइलेन्सर र कारको मोटर, दुईवटा पाङ्ग्रा, स्टेयरिङ, क्लज, ब्रेक लगायतका सामग्री जुटाएर तीनपाङ्ग्रे सवारी साधन तयार भएको हो ।
तीनपाङ्ग्रे सवारी साधन अरू पनि भए पनि यसको आफ्नै विशेषता छ । त्यो हो, अन्यको भन्दा बेग्लै पछाडिको पाङ्ग्रा एउटा र अगाडिका पाङ्ग्रा दुईवटा । प्राविधिक रूपमा मोतिका अगाडिको एक पाङ्ग्रा भएको सवारी साधनभन्दा स्तरीय रहेको निर्माताहरूको
दाबी छ । यसको सफलतासँगै फरक क्षमता (अपाङ्गता) भएका व्यक्तिहरूका लागि हाल प्रयोगमा आउँदै गरेको सवारी साधनमा लागत र गुणस्तर दुवै प्रभावकारी बनाउन सकिने धारणा उहाँहरूको छ । त्यसका लागि उहाँहरूले काम गर्न पनि लाग्नुभएको छ ।
अपाङ्गता भएका २४ जना व्यक्तिको अनुभवका आधारमा त्यस्ता व्यक्तिले प्रयोग गर्ने हालको चारपाङ्ग्रे सवारी साधनलाई परिमार्जन गरेर तीनपाङ्ग्रे बनाउने अभियानमा उहाँहरू लाग्नुभएको छ ।
पण्डितले भन्नुभयो, “अपाङ्गता भएका व्यक्तिले अहिले चढ्ने स्कुटर उहाँहरूको स्वास्थ्यका लागि थप हानिकारक छ किनभने त्यसका पछाडिका पाङ्ग्रालाई सन्तुलनमा राख्न अपाङ्गता भएका व्यक्तिहरूले आफ्नो शरीर नै ढल्काएर चलाउनुपर्छ । फेरि कतै फसेको खण्डमा पछाडिका पाङ्ग्राले त्यसलाई निकाल्न नै सक्दैन । ”
उहाँहरूका अनुसार अगाडि दुई र पछाडि एक पाङ्ग्रा मात्र राखेर त्यसको संरचना गर्दा एउटा पाङ्ग्राको खर्चसमेत जोगिने र आफैँ सन्तुलनमा रहने सवारी साधन तयार हुन्छ । “त्यसैका लागि हामी लागेका छौँ”, पण्डित, आले र बुढाथोकीले संयुक्त रूपमा बताउनुभयो ।
यसका अतिरिक्त थापाथली क्याम्पसमा गाडी निर्माण कार्यशाला सञ्चालन गर्ने योजना उहाँहरूको छ । त्योभन्दा पनि सप्तरी, कपिलवस्तु र बारा घर भएका तीन जनाले आआफ्नो घर जाँदा धान रोप्ने र काट्ने मेसिन लिएर जाने योजना बनाउनुभएको छ ।
यी सबै बनाउँदा नयाँ सामग्री केही खोज्नु पर्दैन । पुराना सामग्री जोडजाड गरेर नै बनाउन सकिने तथा त्यसरी निर्माण भएका सामग्रीको आयात मूल्यभन्दा ज्यादै नै थोरै मूल्य पर्ने उहाँहरूको अनुभव छ । मोतिकाको निर्माणका लागि दुई लाख ५० हजार रुपियाँ खर्च भएको तर त्यसमध्ये धेरै निजी खर्च, शिक्षक तथा आफन्तको सहयोग खर्च र थोरै क्याम्पसको सहयोगबाट जुटाइएको उहाँहरूले जानकारी दिनुभयो ।
मोतिकामा प्रयोग भएका मोटरसाइकलका सामग्रीका लागि आफूहरूले मोटरसाइकल नै किन्नु परेको तर कारका लागि भने सरकारले क्याम्पसको रोबोटिक्स क्लबलाई दिएको थोत्रो टोयोटा कोरोलाका सामग्री प्रयोग गरेको उहाँहरूले जानकारी दिनुभयो ।
विश्वविद्यालय अनुदान आयोगमा अनुसन्धान प्रस्ताव स्वीकृत भएको भए पनि आफूहरू कलेजबाट उत्तीर्ण भइसकेकाले त्यो लिन नपाएको बताउँदै त्यस्ता अनुदान दिँदा विश्वविद्यालयको क्यालेन्डरअनुसार मिलाउन सुझाव दिनुभयो ।
नेपालमा नयाँ प्रविधिको अनुसन्धान र विकासमा सहयोग र प्रोत्साहन नभएको बताउँदै पण्डितले भन्नुभयो, “उपयुक्त नीति भएको खण्डमा हामी अटोमोबाइल क्षेत्रमा धेरै काम गर्न सक्छौँ । ” उहाँले मोतिकाजस्ता सवारी साधनको आमप्रयोग गर्न तत्काल सम्भव नभए पनि होटल र रिसोर्टहरूमा पर्यटकहरूलाई नेपाली आविष्कारका साथ स्वागत गर्न तथा रेसिङ र गेमिङ जोनमा प्रयोग गर्न सकिने सम्भावना रहेको बताउनुभयो ।

- केदार भट्टराई , गोरखापत्र दैनिकबाट

बागलुङ, पुस ११ गते । उद्यमीले घरेलु प्रविधिको सट्टा आधुनिक यन्त्र प्रयोग गरेर नेपाली हाते कागज उत्पादन गर्न थालेका छन् ।

जिल्लाको पहिचान भनेर चिनिने नेपाली हाते कागजलाई आधुनिकीकरण गरिएको हो । ताराखोला गाउँपालिका–५ मा यन्त्रको प्रयोगबाट कागज बनाउन प्रयोग हुने लोक्ता प्रशोधन र उत्पादन हुने गरेको छ । यसअघि जंगलबाट ल्याएको लोक्तालाई काठको मुङ्ग्रोले थिचेर कागज निकाल्ने गरिएको थियो ।

परम्परागत प्रविधिबाट दैनिक एक सय थान कागज उत्पादन हुने गरेकामा यन्त्रको प्रयोगले दैनिक ४०० थान कागज उत्पादन हुने गरेको छ । जुल्फे सामुदायिक लोक्ता प्रशोधन तथा नेपाली कागज उत्पादन समूहका अनुसार आधुनिक प्रविधिको प्रयोगले उत्पादनको मात्रा र गुणस्तर बढेको छ । समूहमा आबद्धमा छजना उद्यमीले अहिले नियमितरुपमा कागज उत्पादन गरिरहेको सो समूहका अध्यक्ष खिमलाल कँडेलले बताउनुभयो ।

केही समयअघि भक्तपुर हस्तकला केन्द्रले गाउँमै पुगेर २१ जना स्थानीयवासीलाई हाते कागज उत्पादनसम्बन्धी सीप प्रदान गरेको थियो । “उत्पादन बढेसँगै बजार मागमा पनि वृद्धि भएको छ”, उहाँले भन्नुभयो, “यान्त्रिकीकरणले नेपाली कागज लोप हुनबाट जोगिएको छ ।”

दुई दशक अघिदेखि उद्यमीले घरेलु प्रविधि अपनाएर हाते कागज उत्पादन गर्दै आएका थिए । कागजसँगै बजारलाई लक्ष्य गरी यसबाट बन्ने विभिन्न सामग्री उत्पादन गरी बिक्री गर्ने गरिएको छ । किसानले जंगलमा गएर ल्याएको लोक्ता प्रशोधन गरी कागज बनाउने गरिएको उद्यमी थिरमती घर्तीले बताउनुभयो ।

नेपाली कागजको उत्पादन र प्रवद्र्धनलाई सघाउन बहु सरोकारवाला वन कार्यक्रमले उद्यमीलाई एक थान लोक्ता प्रशोधन गर्ने यन्त्र उपलब्ध गराएको छ । यस्तै, बागलुङ उद्योग वाणिज्य संघले ‘एक गाउँ एक उत्पादन’ कार्यक्रमअन्तर्गत एक थान कागज काट्ने आधुनिक यन्त्र उपलब्ध गराएको छ । संघले नेपाली कागजको उत्पादन र बजारीकरणमा टेवा पु¥याउन विभिन्न प्रवद्र्धनात्मक काम गरिरहेको छ । आधुनिक यन्त्रले झण्झट हट्नाका साथै काममा सहजता आएको उद्यमीहरु बताउँछन् ।

फुर्सदको समयमा लोक्ता संकलनका लागि जंगल जाने किसान पनि उत्पादनको माग बढेपछि खुशी छन् । स्थानीय किसानले संकलन गरेको लोक्ता प्रतिकिलो रु ४०० मा समूहले खरिद गर्ने गरेको छ । नेपाली कागज उत्पादनका लागि थप जनशक्ति आवश्यक रहेको छ । ताराखोलामा उत्पादित कागज प्रतिग्राम रु एकमा बिक्री हुने गरेको समूहका कोषाध्यक्ष घर्तीले जानकारी दिनुभयो । थोरै मात्रा स्थानीयस्तरमै कागज खपत हुने गरे पनि अधिकांश कागज भक्तपुर हस्तकलाले खरिद गर्ने गरेको छ ।

नेपाली कागजलाई अझ व्यावसायिक बनाउन आवश्यक रहेको बागलुङ उद्योग वाणिज्य संघका अध्यक्ष जयराम भारीले बताउनुभयो । नेपाल उद्योग वाणिज्य महासंघको ‘एक गाउँ, एक उत्पादन’ कार्यक्रमअन्तर्गत बागलुङमा नेपाली कागजको प्रवद्र्धन भइरहेको उहाँको भनाइ छ । जंगलमा त्यसै खेर जाने लोक्ताको संकलन, उत्पादन र बजारीकरणलाई व्यवस्थित गर्न सके स्थानीयवासीले पर्याप्त लाभ लिन सक्ने देखिन्छ । - रासस

 

काठमाडौं , पुस १० गते । सडक विभागले काठमाडौंमा ट्राफिक लाइट जडानका लागि नेपाली प्रविधिकै परीक्षण गर्ने भएको छ । अहिलेको योजनाअनुसार काम भए अर्को हप्ताभित्रै काठमाडौंको बानेश्वरमा फेरि ट्राफिक लाइट बल्न सुरु गर्नेछ ।

त्यसलगत्तै महाराजगञ्जमा पनि नेपाली प्रविधिमा आधारित ट्राफिक लाइट जोडिनेछ । यसका लागि अहिले नेपाली प्राविधिकहरुले काम गरिरहेका छन् ।

अनुमान लागतभन्दा बढी मूल्यमा बोलपत्र हालिएपछि यसअघि ट्राफिक लाइट जडानका लागि तीन पटक गरिएका टेण्डर फेल भएका थिए । अब भने नेपाली प्राविधिकले सस्तो प्रविधिको प्रस्ताव ल्याएका छन् ।

अहिले पाइलट प्रोजेक्टको रुपमा बानेश्वरमा नेपाली इलेक्ट्रिक तथा कम्प्युटर इन्जिनियरहरु आफैं विकास गर्ने प्रविधिमा आधारित अनुसार लाइट जडान गर्न अन्तिम तयारी भइरहेको सडक विभागका ट्राफिक युनिट प्रमुख दीप बिरहीले जानकारी दिए । उनकाअनुसार महाराजगञ्ज चोकमा जोडिने ट्राफिक लाइटको खर्च काठमाडौं महानगरपालिकाले ब्यहोर्नेछ ।

नेपाली प्राविधिकले वर्षौंदेखि बिग्रिएर बसेका पुराना लाइटलाई समेसम्म उपयोग गरेर प्रविधि विकास गर्न प्रस्ताव गरेका थिए ।

त्यसैमा सहमत भएर विभागले पुराना बिगि्रएका बत्ती र तिनका पूर्वाधार प्रयोग गर्ने गरी दुई चोकहरुमा पाइलट प्रोजेक्टकाम रुपमा सडक बत्ती ब्युँताउने निर्णय गरेको थियो ।

यदि नेपाली प्राविधिकको यो प्रोजेक्ट सफल भए अन्य ३५ वटा चोकमा पनि यही प्रविधि प्रयोग सुरु गरिने बिरहीले बताए ।

निकै लामो समयदेखि बिग्रिएर बसेका लाइटहरुलाई सडक विभागले ‘काम नलाग्ने’ आएको थियो । तर, स्मार्ट ट्राफिक लाइट जोड्ने योजना असफल भएपछि अब पुनः तीनै हेलामा परेका लाइटले काठमाडौंको सवारी व्यवस्थानको ‘जिम्मा’ लिने अवस्था आएको छ ।

‘अहिले नेपाली प्राविधिकले प्रस्ताव गरेको प्रविधि पनि स्मार्ट नै हो । एउटा चाकेमा न्युनतम् १६ लाख रुपैयाँ खर्च गर्दा ट्राफिक लाइट सिस्टम रन गर्न सकिन्छ भन्ने उनीहरुको भनाइ छ,’ बिरहीले भने,’यो प्रविधि योभन्दा अघि प्रस्तावितभन्दा निकै सस्तो पनि छ ।’

यसअघि एडीबीको सहयोगमा जोड्न लागिएको ट्राफिक लाइट सिस्टमको लागत अनुमान ३५ करोडभन्दा बढी थियो । यसअनुसार नेपाली प्राविधिकले झण्डै ५ गुणा सस्तो त्यस्तै प्रविधि दिन सकिने बताएका छन् ।

अहिले सडकमा अलपत्र बनेका ट्राफिक लाइट ०६५ सालमा जापानी सहयोग नियोग जाइकाले जडान गरिरिदएको हो ।

केशरमहल, दरबारमार्ग, पुतलीसडक, सिंहदरबार, पद्मोदय मोड, गौशाला, कालीमाटी, थापाथली, माइतीघर, नयाँवानेश्वर, तीनकुने, कोटेश्वर, जडीबुटी लगायत चोकहरुमा अझै पनि पुराना ट्राफिक लाइट अलपत्र अवस्थामा छन् ।

त्यतिबेला कतिपय स्थानमा यात्रुले बाटो काट्ने प्रयोजनका लागि मात्रै पनि लाइटहरु राखिएका थिए । ती लाइट पनि काम नलाग्ने बनाएर राखिएको वर्षौं बितिसकेको छ ।

उपत्यकामा विभिन्न २०भन्दा बढी स्थानमा ट्राफिक बत्ती बिगि्रएका अवस्थामा छन् । यसअघि अधिकांश लाइटहरु बनाउन नै नसकिने अवस्थामा रहेको भन्दै सडक विभागले त्यसको मर्मतमा चासो दिएका थिएन ।

काठमाडौंमा लाइट नहुँदा ठूलो ट्राफिक जनशक्ति यात्रु र गाडीलाई इशारा गर्नमा नै खर्च भएको छ । यसले पाँच गुणासम्म ट्राफिक प्रहरी सडकमै सवारी सवारी व्यवस्थापन गरिरहनुपरेको अवस्था छ ।

पुरानो लाइट मर्मतको प्रशंग चल्दै गर्दा एशियाली विकास बैंक (एडीबी)को आर्थिक तथा प्राविधिक सहयोगमा जडान हुने भनिएको ‘इन्टेलिजेन्ट ट्राफिक कन्ट्रोल सिस्टम’ जडानको योजना भने असफल भएको छ । यसका लागि एडीबीले सरकारलाई दिएको ३३ करोड बजेट पनि फ्रिज भएको छ ।

काठमाडौं दिगो शहरी यातायात आयोजना (केएसयूपीटी)ले पूर्व योजनाअनुरुप ट्राफिक लाइट जडान नगर्ने गरी इन्टालिजेन्ट ट्राफिक कन्ट्रोल सिस्टमको सबै कार्यक्रम खारेज गरेको हो ।

तीन पटक टेण्डर गर्दा पनि ‘ओभर बीड’ अर्थात् लागत अनुमानभन्दा माथि नाघेर टेण्डर भएकाले यसलाई स्थगित गरिएको आयोजनाले जनाएको छ ।

एडीबीको ५१ प्रतिशत अनुदान र २१ प्रतिशत ऋण सहयोगमा ‘इन्टेलिजेन्ट ट्राफिक सिग्नल सिस्टम’ जडान गर्ने भनिएको थियो ।

तर, अनुमानभन्दा बढी मूल्यमा टेण्डर परेपछि यो सिस्टम जोड्नै सरकार असफल भयो । तर, नेपाली प्राविधिकले पुरानै खम्बासहितका पूर्वाधार प्रयोग गरेर ५ गुणा सस्तो मै जडान गर्न सकिने प्रस्तावले विभाग उत्साहित छ ।

युरोपको जस्तो लाइट बाल्ने योजना असफल भएपछि सडक विभाग फेरि अवहेलनामा परेको पुरानै लाइटलाई नेपाली प्रविधिमै आधारित भएर ब्युँताउने तयारीमा लागेको छ ।

सडक विभागका महानिर्देशक गोपालप्रसाद सिग्देल काठमाडौंमा झण्डै २ सय स्थानमा ट्राफिक लाइट राख्नुपर्ने अवस्था रहेको बताउँछन् । त्यसका लागि सडक विभाग आफैंले चरणबद्ध रुपमा काम थाल्ने उनको भनाइ छ ।
- रविन्द्र घिमिरे , अनलाइन खबरबाट

विराटनगर असार ७ | रोशन पोखरेल
विराटनगरमा  रहेको बेवसफट आइटि नेपाल प्रा लि ले  आफ्ना ग्राहकहरुको सेवालाई ध्यानमा राखेर थप एसएमएस सेवा संचालनमा ल्याएको छ । यस सेवाबाट ग्राहकहरुले कुनैपनि व्यावसायिक फर्म , वितिय सस्था तथा शौक्षिक सस्थाहरुले आफनो आवश्यकता र चाहना अनुसारको सेवा विराटनगरबाट नै सो सुविधा मिल्ने सुविधा विराटनगरमा ल्याएको बेवसफट आइटि नेपाल प्रा लि का सञ्चालक भवेश  मण्डलले जानकारी दिनुभयो । नेपाल सरकार तथा नेपाल टेलिकम बाट इजाजत प्राप्त गरेर अनलाइन एस एम एस सम्बन्धि सम्भावित सेवाग्राहीको माग बमोजिम विभिन्न सेवा ल्याएको उहाँले जानकारी दिनुभयो । 

प्रविधिको  क्षेत्रमा नविनतम प्रयोगलाई अबलम्बन गर्ने र ग्राहकहरुलाई अधिकतम सुविधा दिने उदेश्य लिएर सो सेवालाई विराटनगरमा ल्याइएको छ । ग्राहकहरुले कुनैपनि सफटवेयरको मदत विना यो सेवा अनलाइन एस एम एस सेवा लिन सिधै कम्प्युटर वा मोवाइलको साधारण बाउजरहरुबाट एस एम एस प्राप्त तथा पठाउन सकिने भएकोले सेवाग्राहीको अधिक माग पुर्वी क्षेत्रमा रहको थियो । 



यो सेवा सञ्चालन गर्न सेवाग्राहीले न्युनतम शुल्क तिरेर छुटटै युजर नेम र पासवर्ड प्राप्त गर्नुपर्ने छ । जहाँ इन्टरनेट त्यस वेव सफट आइटी नेपालको एस एम एस सेवा भन्ने मुल उद्देश्य रहेको छ ।   एस एम एस भोटिङ, तथा अनलाइन व्लक एस एम एस सेवाहरुको अहिले अत्याधिक माग भेैरहेको छ । यस अधि पनि विभिन्न पत्रपत्रिका तथा रेडियो हरुले सो सेवा लिएको थियो । थप सेवा को लागी वेवसफट आइटी नेपालको बेवसाइट www.websoftitnepal.com भिजिट गरि एस एम एस लग इन मेनुमा गएर सेवा लिन र सेवा सञ्चालन गर्न सकिने छ ।

यस सस्थाले वेव डेभोल्पमेन्ट सम्वन्धि डोमिन रजिष्टेशन , वेव होस्टिङ , अनलाइन रेडियो, सफटवेयर र मोवाइल एप्स निमार्ण सम्वन्धि कार्य गदै आइरहेको छ । 

फेसबुकमा निन्दा तथा घृणाजन्य सामाग्रीहरु पोष्ट गरेको अभियोगमा एक व्यक्तिले मृत्युदण्डको सजाय सुनाइएको छ ।

इस्लाम धर्मका प्रवर्तक मोहम्मदबारे फेसबुकमा आपत्तिजनक टिप्पणी गरेको अभियोग लागेका तैमुर राजा नामक व्यक्तिलाई पाकिस्तानको एक अदालतले मृत्युदण्डकोे फैसला सुनाएको हो ।


सोसल मिडियासँग सम्बन्धित मुद्दामा कुनै अभियुक्तलाई मृत्युदण्डको फैसला गरिएको यो सायद पहिलो घटना भएको बताइएको छ ।

उता फेसबुकमा लेखेको विषयलाई लिएर मृत्युदण्ड दिने फैसलाको विषयमा मानव अधिकारवादीहरुले चासो व्यक्त गरेका छन् ।

यस विषयमा फेसबुक आफैंले चाहिँ कुनै टिप्पणी गरेको छैन ।

गत मार्चमा फेसबुकले एक जानकारी दिँदै पाकिस्तानमा फेसबुकका घृणाजन्य सामाग्रीहरु सम्बन्धी सरकारी चासोलाई सम्बोधन गर्न एक टोली पाकिस्तान पठाउन लागेको जनाएको थियो । तर आफ्ना प्रयोगकर्ताको गोपनियता तथा अधिकारको रक्षा गर्ने अझै पनि आफ्नो इच्छा रहेको फेसबुकको भनाइ थियो ।

धार्मिक निन्दा गर्ने विषयलाई क्षमा गर्न नसकिने अपराध रहेको पाकिस्तानी प्रधानमन्त्रीले बताउने गरेका छन् ।

पाकिस्तानको राजधानी इस्लामावादभन्दा ४९८ किलोमिटर टाढा रहेको बहावालपुरस्थित आतंकवादविरोधी अदालतले अभियुक्त राजामाथिको मुद्दामा सुनुवाई गरेको थियो ।

अभियुक्तका वकिलका अनुसार राजाले फेसबुकमा कुनै अमूक व्यक्तिसँग इस्लाम धर्मबारे बहस गरेका थिए । राजाले धर्मका बारेमा बहस गरेका व्यक्ति अन्ततः आतंकवादविरोधी निकायका सरकारी अधिकारी भएको खुलेको वकिलको भनाइ छ ।

सरकारी वकिलहरुका अनुसार बस स्टपमा आफ्नो फोनबाट धार्मिक निन्दायुक्त भाषण तथा अडियो सामग्रीहरु सुनाएसँगै उनलाई पक्राउ गरिएको थियो । पछि उनको फोन बरामद गरेर अनुसन्धान गरिएको थियो ।

आफूमाथिको मृत्युदण्डको फैसलाविरुद्ध राजाले लाहोर उच्च अदालत तथा अन्त्यमा पाकिस्तानको सर्वोच्च अदालतमा पनि पुनरावेदन गर्न सक्नेछन् ।

स्मरण रहोस् केही दिनअघि सोसल मिडियामा धार्मिक निन्दायुक्त सामग्री पोष्ट गरेको अभियोगमा एक प्राध्यापकमाथि पनि मुद्दा चलेको थियो र उनलाई धरौटीमा रिहा गर्न अदालतले अस्वीकार गरेको थियो ।

एम्नेष्टी इन्टरनेसनलले मृत्युदण्ड सुनाइएका तैमूर राजालाई तत्कालै रिहा गर्न पाकिस्तान सरकारसँग आग्रह गरेको छ ।

सोसल मिडियामा निन्दा गरेको अभियोगमा कसैलाई मृत्युदण्ड दिनु अन्तर्राष्ट्रिय मानव अधिकारको उल्लंघन भएको र यसले खतरनाक नजिर बसाल्ने पनि एम्नेष्टीले जनाएको छ ।

अनलाइनमा आफ्ना वाक् स्वतन्त्रता, विचार अभिव्यक्तिको स्वतन्त्रता तथा धर्म र विश्वासका बारेमा राखेको विचारकै आधारमा कसैलाई आतंकवाद विरोधी अदालतमा हुल्न नहुने एम्नेष्टीको भनाई छ ।

बीबीसी

एजेन्सी: विश्‍व बजारमा प्रविधिको प्रयोग र पहुँच चस्मा र घडी हुँदै मोबाइलसम्म पुगिसकेको छ। विश्‍वभरका मानिसहरु स्मार्ट वाच, स्मार्ट ग्लास र स्मार्टफोनको प्रयोगमा व्यस्त भइरहेका छन्। उनीहरु आफ्नो दैनिकी स्मार्टलाई लिएर चलाइरहेका छन्। यही दौडमा अर्को नयाँ नाम थपिएको छ स्मार्ट कन्डम।


विश्‍व बजारमा स्मार्ट कन्डम बिक्रिका लागि रजिस्ट्रेशन प्रक्रिया सुरु भइसकेको छ। स्मार्ट कन्डमलाई बनाउने कम्पनीले विश्‍वव्यापी रुपमा खरिदविक्रीका लागि आम ग्राहकलाई अनुरोध गरेको छ।

कम्पनीले कन्डमसँग सम्बन्धित धेरै गोप्य प्रश्‍नको समेत उत्तर दिने छ जसको बारेमा मानिसले सोच्‍न समेत भ्याएका हुँदैनन्। बेलायतका एक अनलाइन स्टोर ब्रिटिसकन्डम डटकमले यसको विक्री सुरुवात गरेको छ। कमपनीले यसलाई बजारमा ल्याउन सन् २०१६ मै तयारी गरेको थियो।

कम्पनीले स्मार्ट कन्डम प्रयोगको माध्यमबाट ग्राहकलाई सेक्स गर्दाको समय अवधि, पटक र कति बेरसम्मको उपयुक्त नतिजा देखाउन सकिने दाबी गरेको छ। यस्तै कम्पनीले यसलाई नाम स्मार्ट कण्डम दिए पनि परिवार नियोजनको अचूक उपाय भने मानेको छैन।

यस्तै यो स्मार्ट कन्डमलाई पटक पटक प्रयोगमा ल्याउन सकिने दाबी गर्दै कम्पनीले यसमा नानो चिप र सेन्सर राखिने समेत बताएको छ।जसले कण्डमको प्रयोगको तथ्याङको बारेमा जानकारी दिने बीबीसीले उल्‍लेख गरेको छ।

यो कण्डमलाई एक पटक सेक्स गरिसकेपछि यसलाई ब्लूटुथबाट मोबाइल एपको मद्दतले आकडा डाउनलोड गर्न सकिने कम्पनीले जनाएको छ। तथ्याङक डाउनलोड भइसकेपछि यसलाई ग्राहक स्वयमले हटाउन सक्नेछन्। यसपछि यसलाई फेरि प्रयोगमा ल्याउन सकिनेछ।



कम्पनीका अनुसार स्मार्ट कण्डमलाई प्रयोग गर्नुपूर्व चार्ज गर्नुपर्ने हुन्छ जसलाई युएसबीको माध्यमबाट सजिलै गर्न सकिन्छ। यो स्मार्ट कण्डमलाई यौन आनन्द बढाउनको लागि भने नबनाएको कमपनीले जनाएको छ।

यस्‍तै कम्पनीले यसलाई एक घण्टामै चार्ज गर्न सकिने र यसले ७ देखि ८ घण्टासम्‍म प्रयोग ल्याउन सकिने बताएको छ। यसको आँकडा मात्र प्रयोगकर्तासम्म सीमित रहनेछ तर यदि उसले चाहेमा सेयरस गर्ने विकल्प समेत दिइने कम्पनीको भनाई छ। एक वर्षको वारेन्टी रहेको यो कन्डमको मूल्‍य करी ६० पाउण्ड राखिएको छ।

यता, आलोचकहरुले स्मार्ट कण्डमको चर्को विरोध गरेका छन्। उनीहरुले कण्डमले यस्तो कुनै पनि जाँच वा उपयोगिता नरहेकाले यसलाई विश्‍व बजारमा ल्याउनु नै गलत रहेको टिप्पणी गरेका छन्।

काठमाडौं । दुबईमा हावामा उड्ने कारको सफल परीक्षण गरिएको छ । एक सीट क्षमताको यो कारलाई आधा घण्टा रिचार्ज गर्दा ५० किलोमिटरसम्म उडाउन सकिने बताइएको छ । उक्त कार कार चीनको एक कम्पनीले निर्माण गरेको हो ।

यो कारले ३ सय मिटरको उचाइमा उडान गर्छ । १ घण्टामा यसले १ सय किलोमिटरको यात्रा पार गर्ने बताइएको छ । यसैगरी अमेरिकन कम्पनी टेराफ्युजिया टीएफएक्स पनि जमीनमा गुड्ने र आकाशमा उडाउन मिल्ने कारको निर्माणमा लागिपरेको छ ।

कम्पनीले उक्त उड्ने कार को नमूना पठाएको भए पनि बजारमा यो कार आउन भने अझै करीब ८ देखि १० वर्ष लाग्ने बताइएको छ । जमीनमा यस कारको गति ३ सय २२ किमी प्रतिघण्टा हुने र आकाशमा ८ सय २२ किमी प्रतिघण्टा हुने प्रक्षेपण गरिएको छ ।

मेसाच्युसेट्स नामक कम्पनीले यसभन्दा पहिले पनि दुई सीटको यस्तै कार तयार पारिसकेको छ । ट्राञ्जिशन नाम गरेको यो कार चाँडै नै बजारमा उपलब्ध हुने बताइएको छ । त्यस्तै, डच कार निर्माता कम्पनी पाल–भी लिबर्टीले पनि विश्वकै पहिलो व्यावसायिक फ्लाइङ कार ‘पाल–भी लिबर्टी’ तयार गरेको छ । पाल–भी लिबर्टी विश्वकै पहिलो उड्ने कार निर्माता कम्पनी हो । यो कारमा एकपटक दुईजना व्यक्ति बस्न सक्छन् । यो कारले एभिएशन तथा मोबिलिटीको इतिहासमा निर्णायक सावित हुने कम्पनीको दाबी छ । यो कार १ सय ७९ किलोमिटर प्रतिघण्टाको गतिमा उड्न सक्छ ।

कम्पनीले पायोनियर र स्पोर्ट गरी दुई भर्शनका कार बजारमा ल्याउने बताएको छ । पायोनियर भर्शनको मूल्य ४ लाख २५ हजार यूरो हुनेछ । कम्पनीले यही रकममा उडान तालीम पनि उपलब्ध गराउने उल्लेख छ ।

कम्पनीका अनुसार सन् २०१८ देखि यो कारको डेलिभरी शुरू हुनेछ । कारको सीटमा बसेर अगाडिको स्क्रिनमा दिइएको निर्देशनअनुसार यसलाई चलाउनुपर्ने बताइएको छ । यसलाई एउटा कण्ट्रोल रूमको सहयोगले नियन्त्रण गर्न सकिन्छ । हाल यसले १५ किलोमिटरको उडान गर्न सकेको छ । खाली अवस्थामा यसको वजन ६ सय ६४ किलोग्राम छ ।

कारमा १ सय लिटर पेट्रोल स्टोर गर्न मिल्नेगरी ट्याङ्क बनाइएको छ । २ सय ३० हर्सपावरको शक्तिशाली फोर सिलिण्डर इञ्जिनयुक्त यो कारले प्रति १ सय किलोमिटरको यात्रामा साढे ७ लिटर पेट्रोल खर्च खपत गर्छ । यसको माइलेज लगभग ११ किलोमिटर प्रतिलिटर छ । यो अधिकतम ३५ सय मिटरको उचाइमा उड्ने बताइएको छ ।

लिबर्टी उड्ने कारको बुकिङ शुरू भइरहेको छ । यसको पहिलो हस्तान्तरण सन् २०१८ को अन्त्यसम्ममा पूरा हुनेछ । पाल भीका सीईओकाअनुसार यो वर्षौंको मेहनतले प्राविधिक बाधा हटाउँदै उड्ने कार बनाइएको हो । यो कार सबै सुरक्षा मापदण्डमा सफल भइसकेको बताइएको छ ।

यो कारमा तीनओटा चक्का राखिएका छन्, जसले आकाशमा उड्दा दुईजनालाई उडाउन सक्छ । यो निकै स्टाइलिश छ भने यसलाई कारबाट उड्ने जाइरोकप्टरको रूपमा परिवर्तन गर्न करीब १० मिनेट लाग्ने बताइएको छ । यो कारका पङ्खा सडकमा गुड्दा खुम्चिएर कारको रूपमा आउँछन् ।

कार हावामा १ सय १२ माइल प्रतिघण्टाको गतिमा उड्न तथा जमीनमा १ सय १० माइल प्रतिघण्टाको गतिमा गुड्न सक्छ । यो कार चलाउन भने कार चालकको लाइसेन्स मात्र भएर पुग्दैन, पाइलटको लाइसेन्स पनि हुनुपर्नेछ । तर, जाइरो प्लेन लाइसेन्स लिनका लागि भने व्यक्तिको क्षमताको आधारमा ३० देखि ४० घण्टाको तालीमपछि सहजै लाइसेन्स पाइने कम्पनीले उल्लेख गरेको छ । सडकमा गुडिरहेका बेला जाममा परेका समयमा कारको फ्लाइङ बटन’ थिचेर कारलाई उडाउन मिल्नेगरी डिजाइन गरिएको छ ।

यसैगरी गुगलका सहसंस्थापक ल्यारी पेजले उड्ने कार बनाउन कम्मर कसेका छन् । ब्लुम्बर्गका अनुसार उड्ने कारको प्रविधि विकास गर्न तम्सिएका दुई कम्पनीलाई पेजले १० करोड डलर आर्थिक सहायता गरेका छन् । क्यालिफोर्नियामा रहेका जी डट एरो र किट्टी हक नामक दुई प्रतिस्पर्धी कम्पनीहरूलाई पेजले व्यक्तिगत रूपमा मोटो रकम सहयोग गरेको बताइएको छ ।

जी डट एरो कम्पनी सन् २०१० मा स्थापना भएको हो । यसले उड्ने कारजस्तै सीधै उडान र अवतरण गर्न सक्ने विद्युतीय जहाजको निर्माण गरिरहेको छ । त्यस्तै, उड्ने कार बनाउन कम्मर कसेको अर्को कम्पनी किट्टी हक गतवर्ष स्थापित भएको थियो । यसको मुख्यालय पनि गुगलको नजिकै छ । यो कम्पनीका संस्थापक चाहिँ गुगलको स्वचालित कार विभागका प्रमुख तथा गुगल एक्स विभागका संस्थापक सेबाष्टियन थ्रन हुन् ।

स्लोभाकियाको एरोमिल नामक कम्पनीले उत्पादन गरेको उड्ने कारको नाम रोडष्टार नाम राखिएको छ । यो कार आफैले उडाउन र आफैले गाडी झैं हाँक्न सकिने खालको छ । यसमा दुईजना बस्ने सीट राखिएको छ ।

एरोमोबिल कम्पनीले गतवर्षको मार्चको दोस्रो साता अमेरिकाको टेक्सासस्थित अस्टिनमा पत्रकार सम्मेलन गरेर यो जानकारी दिएको थियो । महँगा कार किन्न रुचाउने कार पारखी र आकाशमा उड्न रुचाउने शौखीनहरूलाई लक्षित गरेर यस्तो कार निर्माण गरेको कम्पनीले उल्लेख गरेको छ । यो कारलाई करीब ७ सय किमी उडाउन सकिन्छ । यसलाई पेट्रोलबाटै चल्छ । यसमा अटो पाइलटिङको व्यवस्था हुन्छ । प्यारासुटसमेत जडान गरिएको हुनाले यदि पाइलट बिरामी भएमा यो स्वतःस्फूर्त तल झर्छ । केही बिग्रियो भने कोही पनि हाम्फाल्नु पर्दैन । यो रोडष्टारले कहाँ उत्रिने भनेर पत्ता लगाउन सक्छ । यसलाई अवतरण गर्न विशेष ठाउँ चाहिँदैन, घाँसमै पनि ओर्लिन सक्छ ।

शान्ति तथा समृद्धि प्राप्त गर्नका लागि वास्तुशास्त्रमा अनेकौं उपाय सुझाइएका छन् । यीमध्ये यहाँ दिइएका आठ उपाय अपनाए मात्र पनि तपाईंको भाग्य चम्किन्छ ।
पर्खालको मोटाइ : घरको दक्षिण र पश्चिमतर्फका पर्खाल उत्तर र पूर्वतर्फका पर्खालभन्दा अग्ला र मोटा हुनुपर्छ ।
सडकभन्दा अग्लो हुनुपर्छ जमिन : घर बनाउनलाई जमिन किन्दा वरपरको सडकभन्दा अग्लो भएको सुनिश्चित गरेर मात्र किन्नुहोस् । सडकभन्दा होचो जमिनमा घर बनाउँदा आर्थिक संकट आउँछ ।
दक्षिण पश्चिममा अग्ला रुख : घरमा समृद्धि ल्याउनुछ भने दक्षिण पश्चिम दिशामा अग्ला रुख लगाउनुस् । यी रुखले आर्थिक स्थिरता ल्याउँछन् । यिनले दुर्भाग्यलाई हटाउँछन् र परिवारमा संकटलाई पनि ढिम्किन दिँदैनन् ।
घरको बीच भाग खालि राख्ने : घरको बीचको भाग सधैं खालि राख्नुपर्छ र त्यहाँ कुनै पनि निर्माण गर्नुहुँदैन । यहाँ केही बनाउनै परे मन्दिर बनाउनुस् । यो भागलाई ब्रह्मस्थान मानिन्छ ।
भण्डार कक्ष कहाँ राख्ने : भण्डार कक्ष दक्षिण पश्चिम वा पश्चिम भागमा बनाउनुपर्छ जसकारण समृद्धिको बाटो खुल्छ ।
झ्याल ढोकाको सफाइ : घरको ढोका र झ्यालको नियमित सफाइ गर्नुस् किनकि घरमा आउने धनसँग यिनको सोझै सम्बन्ध हुन्छ । यी कुरा फोहर हुँदा धनप्राप्तिमा बाधा पुग्छ ।
मुख्यद्वारको सजावट : घरमा समृद्धि ल्याउन घरको मुख्यद्वारलाई राम्ररी सजाउनुपर्छ । घरमा नम्बर प्लेट राख्नु पनि जरुरी छ । अनि यो भाग उज्यालो र रंगीन हुनुपर्छ ।
चराहरूलाई दानापानी दिन डुँड : घरको एक भागमा डुँड बनाएर चराहरूलाई दानापानी राख्नुभयो भने सकारात्मक ऊर्जा र धन प्राप्ति हुन्छ ।
प्याजी रंग : घरमा प्याजी रंग लगाउँदा धन आकर्षण गर्न सकिन्छ । यो रंगका बोटबिरुवा घरमा भए भने पनि तपाईंलाई धनको कमी हुँदैन ।

काठमाडौं , माघ २० गते । घर सजाउनका लागि तस्वीर र पेन्टिङहरू प्रयोग गरिन्छ । यस्ता तस्वीरले घरपरिवारमा सकारात्मक वा नकारात्मक प्रभाव पार्छन् । वास्तुशास्त्रका अनुसार हरेक चित्रको आफ्नै अलग ऊर्जा हुन्छ जसले पारिवारिक सदस्यमा प्रभाव पार्छ । तस्वीर टांग्दा केही कुरामा ध्यान दिनुपर्छ ।

घरको दक्षिणपूर्व दिशामा कुनै सुन्दर युवती वा मोडेलको फोटो टांग्नुस् । यसो गर्दा घरको वातावरण रमाइलो हुन्छ र घरमा शुभलाभ आउँछ ।

वैवाहिक जीवनमा कुनै समस्यालाई भगाउनु छ भने भगवान् राधाकृष्णको तस्वीर टांग्नुस् । दम्पत्तिले आफ्नो शयनकक्षमा राधाकृष्णको तस्वीर उत्तरपश्चिम कुनामा टांग्नुस् ।

ज्योतिषशास्त्र अनुसार धनका देवीदेवतालाई आमन्त्रित गर्नका लागि उत्तर दिशामा कुबेर, लक्ष्मी वा सूर्यको चित्र झुण्ड्याउनुस् ।

वास्तुदोष हटाउनका लागि दक्षिण–पश्चिम कुनामा प्रकृतिको सुन्दरता देखिने चित्र राख्नुस्, जस्तै पहाड, सूर्य, रुख, बगैंचा । नदी र झरना जस्ता बगिरहेका पानीको चित्र चाहिँ नराख्नुस् ।

सुन्दर र महंगा गहना र जवाहरातको चित्र राख्दा अमंगल मंगलमा परिणत हुन्छ । धनधान्य पनि बढ्छ ।

उत्तर–पश्चिम कुनामा उडिरहेका पन्छीको तस्वीर राख्नुस् । यसो गर्दा पारिवारिक सदस्यहरूका इच्छा पूरा हुन्छन् ।

- - पञ्जाब केशरी

काठमाडौं , पुष २१ गते । स्मार्टफोन दुनियाँमा एप्पलको चमक सन् २०१६ मा केही कम भएको देखिएको छ । सन् २००७ मा आईफोन ‘लन्च’ भएपछि एप्पलले स्मार्टफोनको संसारमा यस्तो जादू छाड्न सफल भएको थियो कि मानिसहरु एप्पलको उत्पादन भनेपछि रातभर लाइन लाग्थे । त्यो जादू २०१६ मा कायम रहन सकेन ।
केही वर्षयता एप्पलसँग सामसङको तीव्र प्रतिस्पर्धा छ । तर, वर्ष २०१६ मा भने सामसङलाई ग्यालेक्सी नोट सेभेनले धोका दियो । यो फोनको ब्याट्रीमा उत्पन्न समस्याले सामसङलाई आर्थिक रूपमा त घाटा पुग्यो नै, यसका उत्पादनप्रतिको विश्वसनियतामा पनि कमी आयो ।
एप्पल र सामसङमात्रै हैन, सन् २०१६ अरु स्मार्टफोन उत्पादकका लागि पनि कठिन वर्ष रह्यो ।
सामसङ ग्यालेक्सी नोट सेभेन स्मार्टफोन संसारभर ठूलो तामझामका साथ ‘लन्च’ गरिएको थियो । तर, खराब ब्याट्रीका कारण नोट सेभेन विस्फोट पो हुन थाल्यो । स्मार्टफोन उत्पादन गर्ने विश्वको सबैभन्दा ठूलो कम्पनीका लागि यो ठूलो टाउको दुखाइको विषय बन्यो ।
त्यसपछि सुरू भयो नोट सेभेन फिर्ता गर्ने अभियान । स्थिति यस्तो हिसाबले बिग्रँदै गयो कि धेरै एयरलाइन्स कम्पनीहरूले जहाजमा यो फोन बोक्न प्रतिबन्ध नै लगाए ।
सामसङका अनुसार अमेरिकी बजारमा ९० प्रतिशतभन्दा बढी मानिसले ग्यालेक्सी नोट सेभेन फिर्ता गरेका छन् । नेपाललगायत केही देशमा भने अझै पनि नोट सेभेन प्रयोग भइरहेका छ ।
कम्पनीलाई अझै पनि आशा छ कि नयाँ मोडल ‘लन्च’ गरेपछि आफ्नो मार्केट पुनः कायम हुनेछ, किनभने मानिसहरु राम्रो स्मार्टफोनका लागि पैसा खर्च गर्न सधैं तयार देखिन्छन् ।
तर, उनीहरु सोनीको एक्सपेरिया स्मार्टफोनका लागि पैसा खर्च गर्न भने तयार देखिएनन् । २०१६ मा सोनीले एक्सपेरिया एक्सजेड ‘लन्च’ गरेको थियो, जसको बनावट निकै उत्कृष्ट थियो ।
यसका फिचरहरु पनि राम्रै थिए । यो उत्कृष्ट गुणस्तरको रियर क्यामरा जडित फोन थियो, क्यामरामा सेन्सर इमेजिङ थियो । यतिका धेरै फिचरहरू भएर पनि स्मार्टफोन पूर्ण रूपलले फ्लप भयो । यसको एकमात्र कारण थियो, चर्को मूल्य । नेपाली रुपैयाँ करिब ८० हजार पर्ने यो फोन मध्यम वर्गले ‘अफोर्ड’ गर्न सकेन ।
आमरूपमा ग्राहकले कम मूल्यमा धेरै फिचर भएका फोन खोज्छन् । यसकारण कतिपय स्मार्टफोन आवश्यकभन्दा बढी मूल्यका कारण फ्लप हुने गर्छन् । सोनी एक्सपेरिया एक्सजेडको हकमा पनि सोही भयो ।
गुगलको पिक्सेल फोन ‘लन्च’ भएको समाचारबाट अन्य धेरै कम्पनीहरूलाई चिन्ता लागेको थियो । तर, यो फोन पनि फ्लप भयो । यसको पनि एकै कारण थियो, धेरै मूल्य ।
२०१६ मा आईफोन सेभेन ग्राहकको तीव्र पर्खाइमा थियो । तर, यसले पनि कुनै जादू गर्न सकेन । सामसङ नोट सेभेनको जस्तै यसको ब्याट्रीमा पनि समस्या आएको थियो । आईफोन सेभेनमा धेरै नयाँ फिचर राखिएका थिए¬– जस्तै, डुअल रियर क्यामेरा, बिनातारको इयरफोन । तर, ब्याट्रीमा खराबीको कारणले यो फोन पनि निकै बदनाम भयो ।

काठमाडौं , मंगसिर ११ गते । आइफोन सिक्स स्मार्टफोन प्रयोग गर्ने चिनियाँ प्रयोगकर्ताकोे ब्याट्रीमा समस्या देखिएकोले एप्पल चाइनाले खराब ब्याट्री निःशुल्क फेरिदिने घोषणा गरेको छ । यसअघि चीनमा प्रयोगकर्ताले स्मार्टफोन अकास्मात बन्द हुने समस्या भोग्दै आएपछि आइफोन सिक्सले यस्तो घोषणा गरेको समाचार संस्था आईएएनएसले बताएको छ । उपभोक्ताले आइफोन सिक्स फोनमा ब्याट्री लेभल ५० प्रतिशत देखाए पनि स्वीच अफ हुने समस्या भएको उजुरी गरेको समाचार संस्था सिन्ह्वाले जनाएको छ । गत हप्ता चीनको उपभोक्ता संगठनले एप्पललाई चिठी पठाएर यस बारे स्पष्ट पार्न अनुरोध गरेको थियो । यसपछि एप्पल खराब ब्याट्री परिवर्तन गर्न राजी भएको हो ।