Websoft University

www.radiomakalu.com || 021-522512


नसच्चिए बोहरामाथि कारबाही

नसच्चिए बोहरामाथि कारबाही

                          राप्रपा केन्द्रीय सदस्यको मनोनयन पञ्चायती शैलीमा


काठमाडौं, साउन १  गते ।  राष्ट्रिय प्रजातन्त्र पार्टीभित्र मतभेद र असन्तुष्टि चुलिएपछि अध्यक्ष कमल थापाले त्यसको सम्पूर्ण दोष पार्टी उपाध्यक्ष एवं संसदीय दलका उपनेता दीपक बोहरामाथि थोपर्दै तत्काल नसच्चिए कारबाही गर्ने चेतावनी दिनुभएको छ ।पार्टीभित्र बढेको द्वन्द्वबारे छलफल गर्न आएका केन्द्रीय सदस्य, सांसद र जिम्मेवार कार्यकर्तासँग थापाले बोहरालाई कारबाहीको चेतावनी दिनुभएको हो । पार्टीका एक पदाधिकारीले अन्नपूर्णसँग भने, 'आफूपछि दोस्रो मर्यादामा रहनुभएका उपाध्यक्ष बोहरालार्ई पदबाट निकाल्नेसम्मको तयारीमा थापा हुनुहुन्छ ।'
पार्टी एकता भाँड्नेसम्मको षड्यन्त्रमा सहभागी भएको आरोप बोहरामाथि छ । वरिष्ठ नेता पशुपतिशम्शेर राणालाई प्रयोग गरी पार्टी फुटाउने षड्यन्त्रको मियो नै बोहरा रहेको आरोप अध्यक्ष थापाले लगाएको जानकारी ती नेताले दिए ।सांसदसमेत रहनुभएका केन्द्रीय समिति सदस्य रेशमबहादुर लामाले पार्टीमा उत्पन्न परिस्थितिको जिम्मेवार अध्यक्ष थापा भएको बताउँदै केन्द्रीय समितिमा मनोनयन गरिएका ४२ जनाबारे पुनर्विचार गर्नुपर्ने बताउनुभयो । '४२ जनाको मनोनयनका कारण पार्टी फुट्ने अवस्थामा पुगेको छ । विधानको अधिकार प्रयोग गर्दा पार्टीका वरिष्ठ नेताको परामर्श अनिवार्य हुन्छ ।'
समावेशी र समानुपातिक सिद्धान्तविपरीत मनोनयन, मनोनीत ५९ केन्द्रीय सदस्यमध्ये आठ प्रतिशत महिला, पाँच प्रतिशत मधेसी र एक प्रतिशत दलित ।
अर्का केन्द्रीय सदस्य एवं सांसद दिनेश श्रेष्ठले एकीकरणदेखि अहिलेसम्म निरन्तर मन्त्री बन्ने दाउमा रहेको चरित्रकै कारण पार्टी विभाजनको संघारमा पुगेको दाबी गर्नुभयो । हामी निर्वाचित, हामीले निरन्तर मन्त्री पाउनुपर्छ भन्ने चरित्रले वरिष्ठ नेता राणाको मान, मर्यादा र सम्मानसम्मलाई दुरुपयोग गरेको उहाँले बताउनुभयो । सांसद एवं केन्द्रीय सदस्य लीलादेवी श्रेष्ठले वरिष्ठ नेता राणाको परामर्शमा केन्द्रीय सदस्य मनोनयन हुनुपर्ने विचार व्यक्त गर्नुभयो ।
पञ्चायतकै 'लिगेसी'
अध्यक्ष थापाले गर्नुभएको ४२ केन्द्रीय सदस्य मनोनयनको विषयलाई लिएर पार्टीका अधिकांश युवा कार्यकर्ताले राप्रपा अझै पञ्चायतकै लिगेसीमा रहेको भन्दै दुःख व्यक्त गरेका छन् । मनोनीतमध्ये ९२ प्रतिशत पुरुष र पहाडे मात्र रहेको आरोप उनीहरूले लगाएका छन् । संविधानले नै समानुपातिक समावेशितामा जोड दिइरहेको अवस्थामा पञ्चायतको लिगेसी झल्काउने यस्तो काम-कारबाहीले राप्रपा मात्र नभएर स्वयं थापाकै छविलाई हित नगर्ने आवाज पनि चर्को रूपमा उठ्न थालेको छ ।
अध्यक्ष थापाले अहिलेसम्म ५९ जना मनोनयन गरेकोमा पाँच जना मात्रै महिला छन् । मनोनीत महिलामा गीता बस्नेत, बिन्दा गिरी, जनक कुँवर, पवित्रा सुब्बा श्रेष्ठ र सरस्वती केसी छन् । राप्रपाले महाधिवेशनमा महिलालाई पूर्ण समावेश गर्ने भन्दै ३३ प्रतिशत निर्वाचित सिट आरक्षित मात्र गरेको थिएन, खुलातर्फका सम्पूर्ण पद महिलाका लागि छुट्याएको थियो । अध्यक्ष थापाले विधानविपरीत आठ प्रतिशत मात्र महिला मनोनीत गर्दा पार्टीमा असन्तोष बढेको छ ।
क्षेत्रगत प्रतिनिधित्वको आधारमा पनि मनोनयन समावेशी र सन्तुलित छैन । मधेसको प्रतिनिधित्व न्यून छ । पहिले मनोनीत १७ जनामा दुई र पछि मनोनीत ४२ जनामा एक जना मात्रै मधेसी परेका छन् ।सार्वजनिक रूपमा जे-जस्तो नीतिगत अवधारणा प्रस्तुत भए पनि दलित समुदायको सम्मानमा समेत थापा असफल हुनुभएको छ । मनोनयनमा परेका ५९ जनामध्ये पतिराम चुनारा एक्लो दलित छन् ।- अन्नपूर्ण बाट , चिरञ्जीवी ढुंगाना

Post a Comment

MKRdezign

{facebook#http://fb.com/www.bhawesh.com.np}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget