जेठ २७ गते । आतंकवादको मुद्दामा अमेरिकी राष्ट्रपति डोनल्ड ट्रम्पले कतारलाई घेरेका छन् । उनले कतारलाई आतंकवादका लागि कोष खडा गरेको आरोप लगाएका छन् । उनले कतारले लामो समयदेखि आतंकवादको वित्त पोषण गर्दै आएकाले यसलाई तत्काल बन्द गर्न आदेश दिएका छन् ।
रोमानियाका राष्ट्रपति क्लास जोहानिससँग ह्वाइट हाउस संवाददाता सम्मेलनमा ट्रम्पले भने, ‘आतंकवादको भरणपोषण बन्द गर्नुहोस् । हिंसाको पाठ पढाउन बन्द गर्नुहोस् । हत्या गर्न बन्द गर्नुहोस् । आतंकवादलाई सबैभन्दा फंडिङ कतारले वर्षौं पहिलेदेखि गर्दै आएको छ ।’ट्रम्पका प्रमुख कुटनीतिक रेक्स टिलरसनले साउदी अरब र उनका अन्य क्षेत्रीय सहयोगीसँग कतारसँगको गतिरोधमा केही लचिलो हुन आग्रह गरेपछि ट्रम्पको यस्तो बयान सार्वजनिक भएको हो । टिलरसनले कतारलाई अलग्याइएपछि अमेरिकी सेनाको गतिविधी तथा इस्लामिक स्टेटविरुद्धको लडाईंमा बाधा उत्पन्न भइरहेको बताएका छन् ।- एजेन्सी
Post a Comment