तस्बिर सौजन्य : प्रधानमन्त्री सचिवालय
काठमाडौं, असार १ गते । स्थानीय तहको दोस्रो चरणको निर्वाचनबारे सरकारले निर्वाचन आयोगका पदाधिकारीसँग परामर्श गरेको छ । सरकारले निर्वाचन आयोगका पदाधिकारीसँग चुनावको तयारी र मनोनयन दर्ताबारे छलफल गरिरहेको प्रधानमन्त्री शेरबहादुर देउवाका सहयोगी बद्रि सिग्देलले बताउनुभयो ।
छलफलमा प्रमुख निर्वाचन आयुक्त, चार निर्वाचन आयुक्त र निर्वाचन आयोगका सचिव उपस्थित हुनुहुन्छ । त्यस्तै प्रधानमन्त्री शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल प्रचण्डलगायत नेताहरु परामर्शमा सहभागी हुनुहुन्छ ।
राजपा चुनावमा आउने भएपछि केही स्थानमा अर्को चरणमा र मनोनयन दर्ता पनि केही दिन पर सार्न सकिने/ नसकिनेबारे आवश्यक परामर्श सरकारले लिइरहेको सिंग्देलले बताउनुभयो ।
असार १४ गते हुने दोस्रो चरणको चुनावका लागि प्रधानमन्त्री कार्यालय सिंहदरबारमा छलफल भइरहेको छ । राजपा चुनावमा आउने भएपछि केही समय चुनाव सार्ने मनस्थितिमा सरकार पुगेको छ । सरकारले केही बेरपछि राजपासहित अन्य दलसँग छलफल गर्ने भएको छ ।- अन्नपूर्ण बाट
Post a Comment