धरान, वैशाख ५ गते । सुनसरीकाे धरान १५ स्थित लागु अाैषध सहित एक जनालार्इ प्रहरीले नियन्त्रणमा लिएकाे छ । प्रहरीले चलाएको डेल्टा अप्रेशन अन्तर्गत अञ्चल प्रहरी कार्यालय कोशी र इलाका प्रहरी कार्यालय धरानको संयुक्त टोलीले विशेष सूचनाको आधारमा साेमबार साझ ५ बजे प्रक्राउ गरेको हो ।
प्रक्राउ पर्नेमा धरान १५ चुम्लुङ्ग मार्गका ३० बर्षीय भुवन अधिकारी रहेका छन् । आफ्नै घरको ट्वाइलेट पछाडि कालो प्लाष्टिकके झोलभित्र लुकाइराखेकाे अवस्थामा एभिल, डाइजेलाज र लुपिजैसिक ५६÷५६ एम्पुल र स्पास्पो प्रोक्सिन १ सय क्याप्सुल फेला सहित अधिकारीलाई प्रक्राउ गरेको इलाका प्रहरी कार्यालय धरानले जानकारी दिएको छ ।
प्रक्राउ परेका अधिकारीलाई लागू औषध मुद्धामा थप अनुसन्धान भइरहेको इलाका प्रहरी कार्यालय धरानका डिएसपी ढकेन्द्र खतिवडाले जानकारी दिनुभयो ।
Post a Comment