भोजपुर , चैत्र २१ गते । भोजपुरको भोजपुर नगरपलिका ११ आम्तेकमा शनिबार आफ्नै श्रीमतीको हत्या गरी फरार रहेका ३८ बर्षिय हर्क बहादुर तामाङ (मोक्तान) लाई प्रहरीले आइतवार पक्राउ गरेको छ । तामाङले ३५ बर्षिया श्रीमती मुना तामाङलाई खुकुरीले प्रहार गरी हत्या पश्चात १२ बर्षिया छोरा सौगात तामाङलाई समेत साथमा लिई फरार रहेको प्रहरीले जनाएको छ ।
हत्या पश्चात जिल्ला प्रहरी कार्यालय तथा मातहत कार्यालयबाट संयुक्तरुपमा खटिएको प्रहरीको टोलीले तामाङलाई बाबु छोरालाई आइतबार बेलुका ७ बजे घटनास्थलबाट अन्दाजी डेढ घण्टा पर्ने जंगलबाट पक्राउ गरेको जिल्ला प्रहरी कार्यालय भोजपुरले जनाएको छ ।-पुर्बेलीन्युजबाट
Post a Comment