सुर्खेत,चैत ५ गते । नेकपा एमालेका अध्यक्ष केपी शर्मा ओलीले फेरि नेपाली कांग्रेसमाथि निशाना साँधेका छन् । कांग्रेसको कन्तविजोग नै भएको बताए ।
शनिबार सुर्खेतमा आयोजित सभालाई सम्बोधन गर्दै एमाले अध्यक्ष ओलीले भने, विचरा कांग्रेस ! कन्तविजोग नै छ ।’
हिजो राणा शासनविरुद्ध संघर्ष गर्ने कांग्रेस अहिले मधेसी मोर्चा नामका २/४ जना उफि्रयो भने कांग्रेस डराएर भाग्ने गरेको उनको आरोप छ । उनले भने, ‘लाखौं जनतालाई देख्दैन, चार जनाविदेशी दलाल उफि्रएको देख्छ ।’
विगतमा कांग्रेसले कम्युनिष्ट आयो भने बुढाबुढीलाई गोली ठोक्छ, कांग्रेसले विकास गर्छ भनेर ढाँट्ने गरेको भन्दै पूर्व प्रधानमनत्री समेत रहेका ओलीले अब जनता अलमल्याउने विषय पनि भएको बताए । उनले, अब कांग्रेसले विकास गर्छ भन्यो भने कसैले पत्याउँदैन ।’
०४८ र ०५६ पछि कांग्रेसले बहुमतको सरकार बनाएको भएपनि केही गर्न नसकेको दाबी गर्दै उनले भने, बाँदरको हातमा नरिबल दिएर के गर्नु ?’-अनलाइनखबर
Post a Comment