काठमाडौं, चैत १६ गते । नेपालको औपचारिक भ्रमणमा रहेका भारतीय स्थल सेनाध्यक्ष विपिन रावतले बुधबार रक्षामन्त्री बालकृष्ण खाणसँग भेटवार्ता गरेका छन् ।
सिंहदरबारस्थित रक्षा मन्त्रालयमा भएको शिष्टाचार भेटवार्तामा नेपालका लागि भारतीय राजदूत मञ्जीभ सिंह पुरी र रक्षासचिव श्रीधर सापकोटाको पनि उपस्थिति थियो ।
भेटमा भारतीय सेना र नेपाली सेनाकाबीचमा विगतदेखि कायम भइरहेको आपसी हित तथा पारस्परिक मैत्रीपूर्ण सम्बन्धको बारेमा छलफल भएको थियो ।
रक्षामन्त्री बालकृष्ण खाणले सामाजिक, साँस्कृतिक र धार्मिक समानता भएका दुई छिमेकी मुलुकबीचको सदियौंदेखिको मित्रवत सम्बन्धलाई यस भ्रमणले थप प्रगाढता दिने विश्वास व्यक्त गरे ।
रक्षामन्त्री खाणले हजारौं नेपाली नागरिक भारतीय सेनामा संलग्न रहेको तथा भारतको बिरुद्धमा नेपाली भूमिमा कुनै गतिविधि हुन नदिने विश्वास दिलाए ।-अनलाइनखबरबाट
Post a Comment