काठमाडौं, साउन १६ गते । इस्लामावादमा हुने दक्षिण एसियाली क्षेत्रीय सहयोग संगठन (सार्क)को गृहमन्त्रीस्तरीय बैठकमा बंगलादेशका गृहमन्त्री सहभागी नहुने भएका छन् ।
सार्क गृहमन्त्रीहरुको बैठक अगष्ट ३ र ४ मा पाकिस्तानको इस्लामावादमा हुने तय भएको छ । तर, बंगलादेशका गृहमन्त्री सहभागी नहुने भएका छन् ।सात महिना अघि दुई देशले एकअर्काका कूटनीतिज्ञलाई निस्कासित गरेपछि बंगलादेश र पाकिस्तानको कूटनीतिक सम्वन्ध तिक्तातापूर्ण छ ।
बैठकमा पाकिस्तानका लागि बंगलादेशका तारिक अहसनसहित गृह उपसचिव लगायतको टोली सहभागी हुने बंगलादेशको डेली टाइमले जनाएको छ ।
भारतीय गृहमन्त्री राजनाथ सिंह भने बैठकमा सहभागी हुने पक्का भएको छ ।-अनलाइनखबरबाट
Post a Comment