काठमाडौं भदौ १६ गते । शहरी विकासमन्त्री अर्जुन नरसिंह केसीले राष्ट्रियताको नाममा कसैलाई चिढाउने र कसैलाई बोक्ने काम गरिए त्यसले त्यसले देशलाई दुर्घटनामा लैजाने बताएका छन् ।
कांग्रेस निकट प्रजातान्तिक विचार समाजले बिहिबार राजधानीमा आयोजना गरेको कार्यक्रममा उनले बताएका हुन् ।
उनले अहिले देखिएको राष्ट्रवादका विषमया भएका भारतविरोधी कुरालाई इगित गर्दै नेपालको दुई मुलकसँग मात्रै नभई समग्र मित्रराष्ट्रहरुसँग समान सम्बन्ध हुनुपर्ने बताए ।
राष्ट्रियता, भौगोलिक अखण्डता र देशको सार्वभौमिकता बाहेक सबै विषयमा संविधान संशोधन गर्न सकिन्छ भन्दै मन्त्री केसीले सबै जनताले अपनत्व महसुश हुने संविधान आजको आवश्यकता भएको बताए ।
उनले गाउँमै सहरको अनुभूति हुने खालको विकास आवश्यकता हुनुपर्ने भन्दै मन्त्रालय त्यसका लागि लागिपरेको बताए ।
कार्यक्रममा कांग्रेसका सबैजसो मन्त्रीहरुको सहभागिता रहेको भएपनि परराष्ट्रमन्त्री प्रकाशशरण महतको भने उपस्थिति थिएन ।-रातोपाटीबाट
Post a Comment