इंग्लिस च्याम्पियन लिसेस्टर सिटीले क्लवको लागि कीर्तिमानी २९.८ मिलियन पाउण्डमा स्ट्राइकर इस्लाम स्लिमानीलाई अनुबन्ध गरेको छ । रियाद मेहेरेजसँगको समन्वयका लागि लिसेस्टरले उनलाई भित्र्याएको हो ।
अल्जेरियाली स्ट्राइकर स्लिमानीले किङ पावर रंगशालाका लागि ५ बर्षको सम्झौता गरेका छन् । उनी स्पोर्टिङ लिस्बोनबाट लिसेस्टर आएका हुन् ।
स्लिमानीले स्पोर्टिङमा रहँदा ८२ खेलमा ४८ गोलको उत्कृष्ट प्रदर्शन गरेका थिए ।
अनुबन्ध भएपछि स्लिमानीले भनेका छन्, ‘लिसेस्टर जस्तो क्लवसँगको अनुबन्ध मेरालागि निक्कै ठूलो सम्मान हो र म यहाँ खेल्नका लागि अव पर्खन सक्दिन ।’
‘म सधै पि्रमियर लिगमा खेल्न चाहन्थे र मलाइ त्यो अवसर एउटा च्याम्पियन क्लवले दिएको छ ।’ उनले भने, ‘मैले यस क्लवको गत सिजनमा आश्चर्यजनक रुपमा सफलता र समर्थकहरुको चाहना देखेको छु । यस्तै कारणले म यस क्लवको हिस्सा हुन पाउँदा उत्साहित छु ।’
‘मेरा साथी रियाद मेहरेजले मलाई क्लवको बारेमा र किङ पावर रंगशालामा हाम्रा समर्कले गर्ने व्यवहारको बारेमा बताएका छन् । स्लिमानीले भने, ‘मैले पक्कैपनि पूर्ण प्रदर्शन गर्नेछु, म मैदानमा टिमका लागि खेल्नेछु र आशा गर्छु कि हामीले यसपटक पनि अर्को कुनै सफलता हासिल गर्नेछौं ।’
रियाद मेहरेज लिसेस्टरका सबैभन्दा महत्वपूर्ण खेलाडी हुन् भने उनी स्लिमानीका अल्जेरियाली टिममेट पनि हुन् । मिडफिल्डर र फर्वार्ड यी दुईको तालमेल मिल्दा विपक्षीका लागि पक्कै टाउको दुखाइ बन्नेछ ।-अनलाइनखबरबाट
Post a Comment