१८ बर्षभन्दा कम उमेरका खेलाडी अनुबन्ध गरेको आरोपमा स्पेनिस क्लव एथ्लेटिको मड्रिडबिरुद्ध खेलाडी ट्रान्सफरमा लगाएको प्रतिबन्ध कोर्ट अफ आर्विटेसन फर स्पोर्टसले कायमै राख्ने फैसला गरेको छ ।
कासले सन् २०१६ को जनवरीमा कम उमेरका खेलाडी अनुबन्ध गरेको आरोपमा एथ्लेटिको बिरुद्ध दुई सिजन खेलाडी ट्रान्सफरमा प्रतिबन्धको फैसदला सुनाएको थियो ।
एथ्लेटिकोले आफ्नो बिज्ञप्तिमा भनेको छ कि ‘यो फैसला अनुचित छ र यो हाम्रो क्लवको अपुरणीय क्षतिको कारक बन्न सक्छ ।’
गत डिसेम्बरमा अर्को स्पेनिस क्लव रियल मड्रिडले यस्तै प्रकारको प्रतिबन्ध निर्णयप्रति अपील गर्दा उसको सजाय आधा भन्दा कममा झारिएको थियो ।
एथ्लेटिकोले भनेको छ कि यो निर्णयले क्लवबीच तुलनात्मक नोक्सान र भेदभावपूर्ण व्यवहार देखाएको छ । प्रतिस्पर्धी क्लव रियलले यसै सिजनको जुलाई १ देखि सुरु हुने ट्रान्सफर मार्केटमा सहभागी हुन पाउनेछ ।
क्यासले एथ्लेटिकोलाई यसअघि लगाएको जरिवाना भने अहिले घटाएको छ । ९ लाख स्वीस फ्र्यांकबाट घटाएर अहिले ५ लाख ५० हजार स्वीस फ्र्यांक तोकिएको छ ।
च्याम्पियन्स लिगको सेमिफाइनलअघि एथ्लेटिकोले भनेको थियो कि उ आफ्नो वर्तमान टिमसँग निक्कै सहमत छ । र एथ्लेटिको यस सिजन च्यामिपयन्स लिगमा सेमिफाइनलबाट अघि बढ्न सकेन भने ला लिगामा पनि रियल र बार्सिलोनाभन्दा पछि परेको थियो ।
एथ्लेटिकोका स्टार एन्टोइन् गि्रजम्यान यसै सिजनदेखि इंग्लिस क्लव म्यान्चेस्टर युनाइटेड जाने तयारीमा छन् ।
आफ्नो अनुसन्धानमा एथ्लेटिकोले सन् २००७ देखि २०१४ को बीचमा भएका प्रतियोगिताहरुमा १८ बर्षभन्दा कम उमेरका खेलाडी समावेश गरेको पुष्टि भएको फिफाले बताएको छ । त्यस्तै रियलले २००५ देखि २०१४ को बीचमा यस्तो गरेको पनि फिफाले बताएको छ ।
विश्व फुटबलको सर्बोच्च निकाय फिफाले दुवै क्लवलाई २०१६ मा समान सजाय सुनाएको थियो । फिफाको दुवै क्लवले गत बर्ष कासमा पुनराबेदन गरेकाले गत सिजनको खेलाडी ट्रान्सफरमा सहभागी भएका थिए ।
कासको फैसला बुधबार नै हुनुपर्ने थियो । तर बिहीबारसम्मका लागि ढिला भएको थियो । यसबारेमा पनि एथ्लेटिकोले प्रतिक्रिया दिँदै सम्मानमा कमी भएको बताएको छ ।
एथ्लेटिकोले आगामी जनवरी १ देखि हुने ट्रान्सफर सिजनमा सहभागी हुन पाउनेछ ।- अनलाइनखबर
Post a Comment