काठमाडौं, वैशाख १६ गते । कांग्रेस सभापति शेरबहादुर देउवा आफ्नो दलका नेताहरुको टोली लिएर एमाले अध्यक्ष केपी शर्मा ओलीलार्इ भेट्न बालकोट पुगेका छन् ।
पार्टीका वरिष्ठ नेता रामचन्द्र पौडेल, कृष्णप्रसाद सिटौलाल गायत नेतासँगै कांग्रेस सभापति देउवा शनिबार बालकोट पुगेका हुन् ।
संविधान संशोधन र स्थानीय तह निर्वाचनबारे छलफल गर्न कांग्रेस नेताहरू बालकोट पुगेकाे नेताहरूले बताएका छन् ।
दुर्इ पक्षीय छलफलमा एमालेका तर्फबाट पार्टी अध्यक्ष ओली र महासचिव ईश्वर पोखरेललगायत नेता सहभागी छन् ।
संसदमा टेबुल भएको संविधान संशोधन प्रस्ताव पारित गर्न कांग्रेस नेताहरुले एमालेसँग आग्रह गर्दै आएका छन् । यसबारे संसदमा सम्भवतः आइतबार टुंगो लाग्नेछ ।
एमालेले संविधान संविधान संशोधनको विपक्षमा मतदान गर्ने बताइरहेका बेला नेपाली कांग्रेसले भने एमाले सहितको सहमतिमा संविधान संशोधन गर्ने प्रयत्न गरिरहेको छ ।
यो पनि पढ्नुहोस्
एमालेसँग कांग्रेस नेताहरू आक्रामक, संविधान संशोधनमा समर्थन गर्न आग्रह
अनलाइनखबर
Post a Comment