काठमाडौं, चैत २८ गते । स्थानीय तहको आगामी चुनावमा महानगरका मेयर र उपमेयरले ७ लाख ५० हजारसम्म खर्च गर्न पाउने भएका छन् ।
उपमहानगरमा यो सीमा ५ लाख ५० हजार र नगरमा ४ लाख ५० हजार तोकिएको छ ।
निर्वाचन आयोगले उम्मेदवारहरुले विभिन्न शीर्षकमा गर्न पाउने चुनावी खर्चको सीमा नै तोकेको छ ।
आयोगले बनाएको सूची अनुसार मेयर र उपमेयरका उम्मेदवारले मतदाता नामावली (भोटर लिस्ट) किन्न एक हजार खर्च गर्न सक्नेछन् ।
प्रचार प्रसारमा पोष्टर टाँस्न रोक लगाइएको छ । तर, छापा तथा विद्युतीय माध्यममा प्रचार प्रसार गर्न पाइनेछ । आयोगले प्रचार प्रसार सामाग्री, ढुवानी र अन्य प्रचार प्रसार गरेर तीन शीर्षकमा खर्च छुट्याएको छ ।
महानगरका मेयर र उपमेयरका उम्मेदवारले प्रचार प्रचारमा जम्मा २ लाख २० हजार खर्च गर्न पाउनेछन् । उपमहानगरका उम्मेदवारले २ लाख र नगरका उम्मेदवारले प्रचार प्रचारमा जम्मा १ लाख ७० हजार खर्च गर्न पाउनेछन् ।
उम्मेदवारहरुले हेलिकोप्टर प्रयोग गर्न पाउने छैनन् । तर, सवारी साधन र घोडा प्रयोग गर्न पाइनेछ ।-अनलाइनखबरबाट
Post a Comment