जाल्टन इब्राहिमोभिचको हृयाट्रिकको मदतमा म्यानचेष्टर युनाइटेडले युरोपा लिगको अन्तिम ३२ मा सेन्ट इटियेनमाथि सहज जित हात पारेको छ । बिहीबार राति भएको पहिलो लेगमा म्यानचेष्टर युनाइटेडले सेन्ट इटियेनमाथि ३-० को जित हात पारेको हो ।
घरेलु मैदान ओल्ड ट्रार्फडमा भएको खेलमा जाल्टन नायक बने । उनले १५ औं मिनेटमा गोल गर्दै युनाइटेडलाई सुरुवाति अग्रता दिलाए ।
७५ औं मिनेटमा दोस्रो गोल गरेका उनले ८८ औं पेनाल्टीमार्फत गोल गर्दै हृयाट्रिक पूरा गरे ।
३५ वर्षीय जाल्टनको यो करियरको १७ औं हृयाटि्रक हो । युनाइटेडका लागि भने पहिलो ।
म्यानचेष्टर युनाइटेड र सेन्ट इटियेनबीचको दोस्रो लेग फेब्रुअरी २२ मा हुनेछ ।-अनलाइनखबर
Post a Comment