रेखाको बिहे, तर कोसँग ?

नायिका रेखा थापाले बिहे गरेकी छिन् । उनले कलाकार दिल श्रेष्ठसँग बिहे गरेकी हुन् । रियल लाइफमा निर्माता छविराज ओझासँग डिभोर्स गरेपछि एक्लै बस्दै आएकी रेखाले रील लाइफमा भने बिहे गरेकी हुन् ।

दोश्रो सेड्यूलमा छायांकन भैरहेको चलचित्र ‘हिरो रिटन्र्स’मा रेखा र नायक दिल श्रेष्ठले बिहे गरेका हुन् । चलचित्रका निर्देशक आशिष भेटवालले फेसबुकमा तस्बिर पोष्ट गर्दै लेखेका छन्-‘आज त भगाउने नै हो ।’



नायक सविन श्रेष्ठको प्रस्तुतीमा तयार भएको यो चलचित्रमा सविनाका साथमा रेखा र दिलको मुख्य भूमिका छ । रेखा र दिलको बिहेको प्रसंगलाई निर्देशकले चलचित्रमा कसरि उतारेका छन्, त्यो भने चलचित्र रिलिज भएपछि नै थाहा हुनेछ । तर, रियल लाइफमा बिहे गर्छु मात्र भन्दै आएकी रेखाले रिल लाइफमा भने बिहे गरेकी छिन् ।-अनलाइनखबर