बेलायती प्रधानमन्त्री थेरेसा मे अमेरिका भ्रमणको तयारीमा छिन् । उनी अमेरिका आउने कार्यक्रम तय भएपछि ह्वाइट हाउसले पनि चाँजोपाँजो मिलाइरहेको छ । तर उनको भ्रमणको तयारीमा जुटेको ह्वाइट हाउसले उनको नाम नै गल्ती लेखेपछि उनको नाम पोर्न स्टारसँग जुधेको छ ।
राष्ट्रपति डोनल्ड ट्रम्पका कर्मचारीले थेरेसाको नाम लेख्दा अंग्रेजी अक्षर ‘h’ छुटाएका छन् । शुक्रबार भेटघाटको कार्यक्रम तय गर्ने बेलामा उनीहरुले थेरेसाको नाम एक पटक होइन, तीनपटक गल्ती लेखेका छन् ।
ह्वाइट हाउसको दैनिक निर्देशन र प्रेस तालिकामा लेखिएको छः ‘बेलुका राष्ट्रपति, बेलायतकी प्रधानमन्त्री टेरेजा मे (अंग्रेजी शब्द ‘h’ छुटाउँदा टेरेजा उच्चारण हुन्छ) सँग द्वीपक्षीय छलफलमा व्यस्त हुनेछन् । ’उक्त डकुमेन्टमा थप लेखिएको छ, ‘राष्ट्रपतिले बेलायती प्रधानमन्त्री टेरेजा(पुनः गल्ती लेखिएको) सँग खाना खाने कार्यक्रम छ ।’
साथै उप–राष्ट्रपति माइक पेन्सको ओभल अफिसले पनि उनको नाममा यस्तै गल्ती गरेको छ ।
स्मरण रहोस्, टेरेजा मे पूर्व मोडल र पोर्न स्टार हुन् ।-हिन्दुस्तान टाइम्स
Post a Comment