लिभपरपुल – च्याम्पियनसिप टोली वुल्भससँग स्तब्ध हुँदै लिभरपुल एफए कपबाट बाहिरिएको छ । उता, जीतसँगै वुल्भस प्रतियोगिताको पाँचौ चरणमा प्रवेश गरेको छ ।
रिचार्ड स्टेयरमानले पाहुना टोलीलाई ५३ सेकेण्डमा नै अग्रता दिलाएका थिए । त्यसपछि पहिलो हाफको अन्त्यतिर आन्द्रेस विइमानले अर्को गोल गर्दै वुल्भसको अग्रताको दोब्बर बनाए ।
खेलको अन्त्यतिर डिभोक ओरिजीले गोल गर्दै अन्तिम ५ मिनेटलाई खेल रोमाञ्चक बनाए पछि हार भने जोगाउन सकेनन् ।
चार दिनको अन्तरालमा कप प्रतियोगितामा जर्गन क्लपको टोलीको यो दोस्रो पराजय हो । यसअघि, बुधबार इएफएल कपको सेमिफाइनलमा लिभरपुल साउथह्याम्पटनसँग पराजित भएको थियो ।
लगातार दोस्रो प्रिमियर लिगको टोलीलाई पराजित गर्दै वुल्भस भने सन् २००८ पछि पहिलो पटक एफए कपको पाँचौ चरणमा प्रवेश गरेको छ ।
नयाँ वर्षको शुरुवातसँगै लिभरपुलले जनवरीमा खेलिएका ८ खेलमध्ये मात्र एक खेल जितेको छ ।
सन् २०१२ पछि घरेलु मैदानमा लगातार तीन खेल हारेको लिभरपुलले पहिलो पटक हो ।
क्लपले भने सन् २००७ पछि पहिलो पटक आफ्नो घरेलु मैदानमा लगातार तीन खेल हारेका हुन् ।-एजेन्सी
Post a Comment