हुवान माटाको गोलको मदतमा म्यानचेष्टर डर्बीमा युनाइटेडले सिटीलाई पराजित गरेको छ र, ईएफएल कपको क्वार्टरफाइनलमा स्थान बनाएको छ ।
बुधबार राति भएको खेलमा म्यानचेष्टर युनाइटेडले साविकको विजेता सिटीलाई १-० गोल अन्तरले पराजित गरेको हो ।
घरेलु मैदान ओल्ड ट्रार्फडमा भएको खेलमा युनाइटेडका लागि माटाले ५४ औं मिनेटमा गोल गरे । त्यसअघि युनाइटेडका पल पोग्बा गोल गर्न चुकेका थिए । जान्टन इब्राहिमोभिचको पासमा उनको प्रहार सिटीका गोलकिपरले क्लियर गर्ने क्रममा पोष्टमा लागेर बाहिरिएको थियो ।
सिटीका प्रशिक्षक पेप ग्वार्डिओलाले आफ्नो टोलीमा नौं परिर्वतन गरेका थिए र तर, जित निकाल्न सकेनन् । उनले सबै प्रतियोगितामा गरी पछिल्लो ६ खेलमा जित हात पार्न सकेका छैनन् र, प्रशिक्षकका रुपमा उनको यो खराव रेकर्ड हो ।
खेलम सिटीले सुरुमा नै राम्रो मौका गुमाएको थियो । उसका इहिनाचोको हेड बल निकै आकासिएको थियो । दोस्रो हाफमा राहम स्टर्लिङ र सर्जिओ एग्युरोले केही प्रभाव छाडे पनि हार टार्न सकेनन् ।-अनलाइनखबर
Post a Comment