मलेसिया,साउन २६ गते ।मलेसियाका प्रधानमन्त्री नजिव रजाकको विपक्षी समूहले उहाँको नेततृत्व कालमा आर्थिक अनियमितता मौलाएको बताउँदै वैकल्पिक दलको आवश्यकता भएको जिकिर गर्दै नयाँ पार्टी दर्ताका लागि निवेदन परेको छ ।
नयाँ पार्टीले रजाकको शासन कालमा देखिएका आर्थिक अनियमिततालाई हटाउँदै देशमा सुशासन कायम गर्ने गत वर्ष उपप्रधानमन्त्रीबाट रजाफद्वारा हटाइएका मुहयिद्धिन यसिनले बताए ।
नयाँ पार्टीको नाम प्रिभूमी बेसातु मलेसिया ९युनाइटेड मलेसियन पिपुल्स पार्टी० प्रस्ताव गरिएको छ । नयाँ पार्टीको अध्यक्षमा मलेसियामा २२ वर्ष सत्ता सम्हालेका पूर्वप्रधानमन्त्री महाथिर मोहमद बन्ने सम्भावना रहेको यसिनका सहयोगीले बताए ।
महाथिरले वर्तमान प्रधानमन्त्रीको शासनपद्धति माथि आपत्ति जनाउँदै सन् २००१६ को फेब्रुवरीमा नजिवको युनाइटेड मलाय नेशनल अर्गनाइजेशन नामक पार्टीबाट बाहिरिएका थिए ।
त्यसैगरी पार्टीको सभापति पदमा यसिन रहने सम्भावना रहेको पनि प्राप्त समाचारमा बताइएको छ ।- रातोपाटीबाट
Post a Comment