भक्तपुर,असार १९ गते । भक्तपुर नगरपालिका–१७ सल्लाघारी निकोसेरा नजिकै टाटा मोबाइलले ठक्कर दिँदा आइतबार एक पैदलयात्रीको मृत्यु भएको छ ।
कुखुरा बोकेर काठमाडौंतर्फ जाँदै गरेको बा १३ च ६६४० नम्बरको टाटा मोबाइलको ठक्करबाट सिन्धुपाल्चोकका सुमन चौलागाईंको मृत्यु भएको हो । सिन्धुकोट घर भई हाल भक्तपुर नगरपालिका–४ कमलविनायक पाइप लाइन बस्ने १८ वर्षीय चौलागाईंको मध्यपुर अस्पतालमा उपचारका क्रममा मृत्यु भएको प्रहरीले जनाएको छ ।महानगरीय प्रहरी परिसर भक्तपुरका प्रहरी नायब उपरीक्षक शेखर खनालका अनुसार शव परीक्षणका लागि शिक्षण अस्पताल महाराजगञ्ज पठाइएको छ ।
टाटा मोबाइलका चालक काभ्रे सौवास घर भई हाल नगरकोट नगरपालिका ताथली बस्ने २४ वर्षीय विशाल प्रधानलाई सवारी सहित प्रहरीले नियन्त्रणमा लिएको छ ।-अनलाइनखबरबाट
Post a Comment