Websoft University

www.radiomakalu.com || 021-522512


विराटनगर वारियर्स विजयी

EPL-logo-jpg

काठमाडौँ, पुस ५ गते । एभरेस्ट प्रिमियर लिग (इपिएल) टी–२० क्रिकेट प्रतियोगितामा विराटनगर वारियर्सले पोखरा राइनोजलाई पराजित गरेको छ ।

कीर्तिपुरस्थित त्रिवी अन्तर्राष्ट्रिय खेल मैदानमा आज भएको खेलमा राष्ट्रिय क्रिकेट टोलीका कप्तान पारस खड्काले नेतृत्व गरेको विराटनगरले पोखरा राइनोजलाई तीन विकेटले पराजित गर्दै प्रतियोगितामा लगातार दोस्रो जित हात पारेको हो ।

टस हारेर ब्याटिङ गरेको पोखराले विराटनगरलाई १२३ रनको लक्ष्य दिएको थियो । विराटनगरले विजयी लक्ष्य १९.४ ओभरमा ७ विकेट गुमाएर भेट्टायो । विराटनगरको जितमा अन्सुमान रथले सर्वाधिक ६० रनको योगदान दिए । बाबर हायातले २२ र पारस खड्काले ११ रन बनाए ।

बलिङतर्फ पोखराका लागि इसरुल्लाह र सुसन भारीले दुई÷दुई विकेट लिए । सुनिल धमला र कप्तान शक्ति गौचनले एक÷एक विकेट लिए ।

पोखराले निर्धारित २० ओभरमा ६ विकेट गुमाएर १२२ रन जोडेको थियो । पोखराका लागि राजेश पुलामी मगरले ३०, इसरुल्लाहले २१, सुनिल धमलाले र ताज वालीले १८÷१८ तथा सौरभ खनालले १६ रन बनाए ।

बलिङतर्फ विराटनगरका पारस खड्काले तीन, वसन्त रेग्मी, रामनरेश गिरी र अविनास कर्णले एक÷एक विकेट लिए ।

Post a Comment

MKRdezign

{facebook#http://fb.com/www.bhawesh.com.np}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget