वासिंगटन डिसीः चालू आर्थिक वर्षमा नेपालको आर्थिक वृद्धि दर ६.५ हुने भनि गरिएको प्रक्षेपणको विश्व बैंक तथा अन्तर्राष्ट्रिय मुद्रा कोषको बैठकमा प्रशंसा भएको छ । बिहीबार संयुक्त राज्य अमेरिकाको वासिंटन डीसीमा भएको बैठकमा कोषका कार्यकारी निर्देशक एन्डिन ह्यादियान्तोले नेपालको नामै लिएर आर्थिक वृद्धिदर उच्च भएको भन्दै नेपालका अर्थमन्त्री र बैठकमा सहभागी नेपाली टोलीलाई बधाइ दिनुभएको छ ।
नेपालको आर्थिक विकासलाई तीव्र बनाउन आईडीए १८ अन्र्तगतको सहयोग दोब्बर गरिने उहाँले जानकारी दिनुभयो । विश्व बैंकले अन्तर्राष्टिय विकास संस्था (आईडीए) कार्यक्रमअन्तर्गत विकासोन्मुख देशलाई सहयोग गर्दै आएको छ ।
यसले सन् २०१८ मा नेपालको आर्थिक वृद्धिदर उच्च पार्न सहयोग पुग्ने बैठकमा सहभागी अर्थ मन्त्रालयको अन्तर्राष्टिय आर्थिक सहायता समन्वय महाशाखाका प्रमुख बैकुन्ठ अर्यालले बताउनुभयो ।
सोही बैठकमा सहभागी मलेसियाका अर्थमन्त्री जोहरी अब्दुल घारी र इन्डोनेसियाका अर्थमन्त्री मुल्यानी इन्द्रावतीले नेपाल राष्ट्र बैंकका गर्भनर चिरञ्जीवी नेपाललाई नेपालको आर्थिक वृद्धिदर उच्च हुने अवस्थामा रहकोमा नेपालका अर्थमन्त्रीलाई बधाइ सुनाइदिन आग्रह गर्नुभएको छ, । - अन्नापूर्ण बाट
Post a Comment