मोरङ, चैत ४ गते । एसियन थाई फुड्सले उत्पादन गरेको रमपम चाउचाउको अमेरीका निर्यात गर्न थालेको छ । नेपालमा उत्पादित चाउचाउ मिठो रहेकोले अमेरिकामा सो चाउचाउको माग बढेको हो । सो उद्योगका प्रबन्ध निर्देशक महेश जाजूले भन्नुभयो, ‘सुरुमा नेपालीको रोजाई भएपनि अहिले अमेरिकी उपभोक्ताले समेत रुचाउन थालेका छन् ।
’ अमेरिकाको धेरै डिपार्टमेन्ट स्टोरबाट रमपम चाउचाउको माग भइरहेको छ’, उहाँले भन्नुभयो, ‘अमेरिकाजस्तो विकसित मुलुकमा नेपाली ब्रान्डको चाउचाउको माग हुनु गौरवको विषय भएको एसियन थाई फुड्सका प्रबन्ध निर्देशक महेश जाजूको भनाई छ । उहाँका अनुसार अस्ट्रेलिया, दुबई र कतारमा पनि रमपम चाउचाउ निकासी भइरहेको छ ।
सुनसरीको सोनापुरमा रमपम चाउचाउ उत्पादन गरिरहेको छ । अहिले हरेक महिना पाँच लाख प्याकेट चाउचाउ अमेरिका निर्यात भइरहेको र आगामी ६ महिनाभित्रमा १० लाख प्याकेट पुयाउने तयारी भइरहेको जाजूले जानकारी दिनुभयो ।-पुर्बेलीन्युज
Post a Comment