काठमाडौं,माघ २० गते । प्रधानमन्त्री पुष्पकमल दाहालले स्थानीय तहको निर्वाचनबारे महान्यायाधिवक्ता, कानुनमन्त्री र सत्तारुढ दलका शीर्ष नेताहरूसँग छलफल गरेका छन् ।
सरकारले निर्वाचनबारे असन्तुष्ट दललाई समेत निर्वाचनका लागि सहमतिमा ल्याउने भन्दै मिति घोषणा नगरी निर्वाचनको तयारी गर्न आयोगलाई पत्राचार गर्ने भएको हो ।
बिहीबार बिहान बालुवाटारमा बसेको बैठकले दिउँसो ४ बजे बस्ने मन्त्रीपरिषद् बैठकपछि आयोगलाई पत्राचार गर्ने तयारी गरेको हो ।
निर्वाचनको मिति भने फागुन अन्तिम सातसम्ममा तोक्ने र जेठमा निर्वाचन गर्ने सत्तारूढ दलबीच लगभग सहमति भइसकेको छ ।
पुनर्संरचना आयोगको प्रतिवेदन, स्थानीय तहको निर्वाचन र संविधान संशोधनलगायत विषयमा बुधबार प्रधानमन्त्रीले कानुनविद्हरूसँग छलफल गरेका थिए ।
पुनर्संरचना आयोगको प्रतिवेदनमा विभिन्न दलको र स्थानीय स्तरमै विरोध रहेकाले छुट्टै संयन्त्र बनाएर छलफल गर्ने समेत सरकारको तयारी छ ।
त्यसैगरी सरकार गठनको ६ महिना पुगेकाले बिहाीबारको बैठकमा सरकारको कामकारबाही बारेसमेत छलफल हुने बताइएको छ ।
Post a Comment