ब्लाकबर्नलाई पराजित गर्दै म्यानचेष्टर युनाइटेड एफए कप फुटबलको क्वार्टरफाइनलमा प्रवेश गरेको छ । आइतबार राति भएको खेलमा म्यानचेष्टर युनाइटेडले ब्लाकबर्नलाई २-१ गोल अन्तरे पराजित गरेको हो ।
ब्लाकबर्नको घरेलु मैदानमा भएको खेलमा अग्रता भने उसले नै लिएको थियो । १७ औं मिनेटमा ग्राहमले गोल गरे । तर, २७ औं मिनेटमा रासर्फडले गोल गरेपछि पहिलो हाफ १-१ को बराबरीमा सकियो ।
७५ औं मिनेटमा जाल्टन इब्राहिमोभिचले गोल गरे र, म्यानचेष्टर युनाइटेडको क्वार्टरफाइनलमा चेल्सीसँग भेट पक्का गरेको छ । अर्को खेलमा टोटनहृयामले फुलहामलाई ३-० ले हराएको छ । उसको जितमा तीनै गोल हृयारी केनले गरे ।
१६ औं मिनेटमा खाता खोलेका केनले ५१ ऋौं मिनेटमा दोस्रो गोल गरे । उनले ७३ औं मिनेटमा हृयाटि्रक पुरा गर्दै टोलीलाई ३-० को जित दिलाए ।-अनलाइनखबर
Post a Comment