म्याड्रिड – स्पेनिस जाइन्ट रियल म्याड्रिडले कोपा डेल रे अन्तर्गत अन्तिम १६ को पहिलो लेगमा सेभियालाई पराजित गर्दै अपराजित यात्रालाई ३८ खेल पुर्याएको छ । बुधबार राती भएको खेलमा रियल ३–० ले विजयी भएको हो ।
अपराजित रहेको ३८ खेलमध्ये रियलले २९ खेल जितेको छ । ला लिगाको टोलीले बनाएको अपराजित यात्राको किर्तिमानबाट मात्र एक खेल टाढा रहेको छ ।
रियललाई जित दिलाउन हामेज रोड्रिगेजले दुई गोल गरे । आराम दिइएका क्रिस्टियानो रोनाल्डोको स्थानमा बिरलो शुरुवात पाएका रोड्रिगेजले त्यसको भरपुर फाइदा उठाए ।
राफायल भारनले पनि अर्को एक गोल थपे पछि आगामी जनवरी १२ मा हुने दोस्रो लेगअघि रियलले खेलमा नियन्त्रण बनाउन सफल भएको छ ।
निकै व्यवस्त कार्यतालिका रहेको रियलले अब ११ हप्तामा २१ खेल खेल्नेछ ।
आफ्नो नियमित फरवार्ड लाइन बिबिसी – करिब बेन्जेमा, गेराथ बेल र रोनाल्डो बिना रियलले लगातार दोस्रो पटक घरेलु मैदानमा खेल खेलेको हो । बेल घाइते रहेका छन् भने बेन्जेमालाई खेलमा प्रयोग गरिएन ।
यसअघि खेलमा समय नपाएका रोड्रिग्वेजले जनवरीमा क्लब छाड्न सक्ने बताएका थिए ।- एजेन्सी
Post a Comment