काठमाडौं,माघ १८ गते । सर्वोच्च अदालतमा दुई न्यायाधीश थपिएका छन् । यससँगै सर्वोच्चमा प्रधानन्यायाधीश सुशीला कार्कीसहित २० न्यायाधीश भएका छन् ।
न्याय परिषदको सिफारिस संसदीय सुनुवाई विशेष समितिले अनुमोदन गरेपछि राष्ट्रपति विद्या भण्डारीले तेजबहादुर केसी र पुरुषोतम भण्डारीलाई सर्वोच्चको न्यायाधीश नियुक्त गरेकी हुन् ।
केसी र भण्डारीले मंगलबार नै राष्ट्रपतिको उपस्थितिमा प्रधानन्यायाधीश कार्कीसमक्ष सपथ लिएका छन् । यसअघि केसी उच्च अदालत विराटनगर र भण्डारी पोखराका मुख्य न्यायाधीश थिए ।
एक पद अझै रिक्त
नयाँ संविधान अनुसार सर्वोच्च अदालतमा प्रधानन्यायाधीशसहित २१ स्थायी न्यायाधीश हुनुपर्छ । तर, मंगलबार दुई न्यायाधीश थपिएपछि पनि यो संख्या पुग्दैन । एक पद रिक्त छ ।
न्याय परिषदले केसी र भण्डारीको नाम सिफारिस गरेपछि वरिष्ठ न्यायाधीश वैजनाथ उपाध्यायले उमेर हदका कारण अवकास पाएकाले यो पद रिक्त भएको हो ।-अनलाइनखबर
Post a Comment