सम्बन्धको परिभाषा पूर्णरुपमा बदलिएको छ । पलभरमा सम्बन्धहरु गाँसिन्छन् र टुट्छन् पनि । यस्तो सम्बन्ध बाहिरबाट जति सुन्दर तथा प्रेमपूर्ण लाग्दछ वास्तवमा भित्र निकै खोक्रो हुन्छ । के तपाइँलाई थाहा छ, यसको कारण ?
सोसल मिडिया
पहिले पहिले आफ्नो पार्टनरसँग जे सुकै कुरा गर्नुपथ्र्यो सँगै बसेर एक अर्कासँग भनिन्थ्यो वा फोनमै भएप्नि कुराकानी गरेर भनिन्थ्यो । अहिले यसको ठाउँ च्याटिंग एपहरुले लिएको छ । तपाइँ मेसेज छाड्नुहुन्छ च्याटमा । कहिलेकाहीँ पढ्नुपर्ने मानिसले नदेखेको पनि हुनसक्छ र तपाइँको मेसेज नपाउँदा झगडा सुरु हुनपनि सक्छ । पहिले कहीँ घुमफिर गरेर आइसकेपछि सँगै फोटो हेर्ने चलन हुन्थ्यो । तर आजकल आफु आफै फेसबुकमा अपलोड गर्ने र त्यहीँ एकअर्काको फोटो हेर्न पाउने अवस्था छ ।
प्रेम भन्दा पहिले आशक्ति
आधुनिक सम्बन्धमा प्रेम कम तर आशक्ति बढि हुन्छ । तर यदि सम्बन्ध प्रेममा नभई आशक्तिमा टिकेको हो भने त्यो धेरैदिन रहँदैन ।
भावना व्यक्त गर्न नपाउनु
पहिले मानिसहरु भावना व्यक्त गर्न बोलीको प्रयोग गर्थे । त्यसको स्थान अहिले मेसेजले दिएको छ । यस्तो मृत मेसेजले मनको भावना दोश्रो व्यक्तिसँग ठीक तरिकाले पूराउने कुरै भएन । यसले सम्बन्धमा गहिराइ आउन पाउँदैन ।
लुक्समा ध्यान
मनिसहरु प्रेममा पर्नुअघि आफ्नो लुक्सलाइ खुबै बदलेका हुन्छन् । ता की पार्टनरलाई आकर्षित गर्न सकियोस् । तर आफ्नो आनीबानी तथा व्यक्तित्वमा ध्यान दिँदैनन् । यसले दूरी बढाउने काम गर्दछ ।
नममात्रको सम्बन्ध
अाजकलको प्रेम सम्बन्ध केबल नाममात्रैको हुने गरेको छ । सम्बन्धमा केवल ग्लामर लाइफ र आफ्नो आवश्यकता पूर्ति मात्रै प्रधान कुरा बन्ने गरेको छ । स्वार्थ पूरा भएसँगै सम्बन्ध बदल्न पनि पछि पर्दैनन् मानिसहरु ।
लाजशर्म छैन
आजकल प्रेम तथा सेक्सका विषयमा पहिलेको तुलनामा संकोच तथा लाजशर्म भन्ने कुरा निकै घटेको छ । आफ्नो सन्तुष्टि तथा अभिव्यक्तिलाई सबैले अधिकारको रुपमा लिने गरेका छन् । जसका कारण खुल्ला रुपमा सेक्सको कुरा हुन्छ । दाम्पत्य जिवनमा सेक्सको भूमिका ठूलो हुन्छ । सोही कारण यसमा थोरैमात्र पनि उदासिनता आयो भने दाम्पत्य जिवन नै खतरामा पर्दछ । यसमा ताजगी ल्याउनका लागि अहिले महिलाहरु समेत स्वतन्त्रता चाहन्छन् ता की लाज तथा संकोचलाई पर राखेर सेक्समा के चाहना छ भन्ने कुरा खुलेर भनिन्छ ।-एजेन्सीको सहयोगमा
Post a Comment