काठमाडौं,मंसिर १२ गते । स्थानीय विकास मन्त्रालयले भूकम्पबाट अतिप्रभावित १४ जिल्लाका गाविस सचिवलाई तोकिएको स्थानमा बसेर सेवा प्रदान गर्न आज निर्देशन दिएको छ ।
मन्त्री हितराज पाण्डेले गाविसमा नै बसेर सेवा प्रवाह गर्न जिविसमार्फत सचिवहरुलाई विशेष निर्देशन दिएका हुन् ।
भूकम्पपछिको पुनर्निर्माणसँग सम्बन्धित कामको चाप भए पनि गाविस सचिवले जिल्ला सदरमुकाममा सम्पर्क कार्यालय खोलेर सेवा प्रवाह गर्ने गरेको पाइएकाले तोकिएको गाविसमै बसेर काम गर्नुपर्ने मन्त्री पाण्डेको भनाइ थियो ।
प्रधानमन्त्री तथा मन्त्रिपरिषदको कार्यालयबाट समेत गाविस सचिव तोकिएको स्थानमा नबस्ने गरेकामा चासो व्यक्त भएको थियो । साथै देशभरका गाविस सचिवलाई पनि सम्बन्धित गाविसबाटै सेवा दिनसमेत निर्देशन दिएको छ ।-अनलाइनखबर
Post a Comment