काठमाडौं,मंसिर ७ गते । त्रिवि शिक्षण अस्पतालका आवासीय चिकित्सकहरुले आन्दोलन गर्ने चेतावनी दिएका छन् ।
अस्पतालका नेशनल रेसिडेण्ट डाक्टर्स एशासियसनका अध्यक्ष डा. लिजन महर्जन तथा डा. विष्णु भण्डारीले विज्ञप्ती जारी गरेर डा. गोविन्द केसीको अनसनबारे आफ्नो धारणा सार्वजनिक गर्न नेपाल चिकित्सक संघलाई आग्रह गरेको छ ।
साथै डा. केसीको माग सम्बोधनका लागि सरकार तथा सम्बन्धित निकायसँग पहल गर्न संघसमक्ष माग गरेको छ ।
माग सम्बोधन नभए डा. केसीको जीवन रक्षाका लागि कडा विरोधका कार्यक्रम सार्वजनिक गरिने एशोसिएसनले जनाएको छ ।
चिकित्सा शिक्षा सुधारका मागलाई लिएर दश दिनदेखि आवरण अनसनमा बसेका डा. केसी र नेपाल चिकित्सक संघका अध्यक्ष डा. मुक्तिराम श्रेष्ठबीच सोमबार नै भेटवार्ता भएको थियो । भेटवार्ताका क्रममा श्रेष्ठले डा. केसीको आन्दोलनलाई निष्कर्षमा ल्याउन आफूले भूमिका खेल्ने बताएका थिए ।-अनलाइनखबर
Post a Comment