भरतपुरमा आज बिहान पत्रकारहरुसँग कुरा गर्दै उहाँले यस्तो अवस्था आए राजनीतिक दलहरुसमेत सङ्कटमा फस्ने बताउनुभयो । सँगै संविधान निर्माणका क्रममा जुटेको प्रमुख विपक्षी नेकपा एमालेसहितका दलहरुले संविधान कार्यान्वयनमा पनि महत्वपूर्ण भूमिका खेल्नुपर्ने उहाँको भनाइ थियो ।
राष्ट्रिय आवश्यकतालाई ध्यानमा राखेर संविधान संशोधन गर्न आवश्यक रहेको र यही तथ्यलाई मनन गरी संविधान संशोधन विधेयक अघि सारिएको उहाँले बताउनुभयो ।
एक फरक प्रसङ्गमा उहाँले चितवनको बाँदरझुलामा सुकुम्बासीभन्दा हुकुमबासी बढी भएको भन्दै अतिक्रमित निकुञ्ज क्षेत्र खाली गर्ने दृढता प्रकट गर्नुभयो । “जसको आफ्नो जग्गा छ, उनीहरु आफ्नै जग्गामा जानुपर्छ, जसको छैन उनीहरुलाई सरकारले वैकल्पिक व्यवस्था गर्नुपर्छ” – मन्त्री भण्डारीले भन्नुभयो । देशभरका अतिक्रमण भएका वन क्षेत्रको संरक्षणका लागि विशेष कार्ययोजना बनाएर सरकार अघि बढेको उहाँले बताउनुभयो ।
अतिक्रमण हटाउन अन्य मन्त्रालयसँग समेत समन्वय गरिरहेको मन्त्री भण्डारीको भनाइ थियो । रासस
Post a Comment