बेइजिङ – मेगी नामक समुद्री आँधी कारण भएको भारी वर्षाका कारण आएको पहिरो दुईवटा परेर कम्तिमा ३३ जना हराइरहेको चीनको राष्ट्रिय मिडियाले जनाएको छ ।
यो घटना चीनको पूर्वी भागमा रहेको झेजियाङ प्रान्तमा भएको हो । हराइरहेका मध्ये २७ जना सुकुन गाउँका रहेका छन् । पहिरोमा परेर पूरै गाउँनै बगेको छ । सिन्हुवामा प्रकाशित एउटा भिडियोमा अग्लो पहाडबाट पहिरो खस्दै गरेको देखाइएको छ ।
![](http://www.ratopati.com/wp-content/uploads/2016/09/91419079_0f0a9f98-029e-4fe0-9b11-a0e5b95a8eb4.jpg)
बुधबारदेखि मेगीका कारण चीनका विभिन्न भागमा भारी वर्षा भएको थियो ।
सिन्ह्वाका अनुसार वेन्चेन काउन्टीको बाओफेङ गाउँका ६ जना हराइरहेका छन् ।
उद्धारका लागि ठूलो संख्यामा उद्धारकर्मी खटाइएको स्थानीय अधिकारीहरुले बताएका छन् ।
त्यसक्षेत्रका वासिन्दालाई अन्यत्र सारिएको छ भने १३ जनाको उद्धार गरिएको छ ।
![](http://www.ratopati.com/wp-content/uploads/2016/09/91417317_mediaitem91417315.jpg)
चीनअघि मेगीले ताइवानमा विध्वंस मच्चाएको थियो । त्यहाँ चार जनाको निधन भएको थियो भने ६२५ जना घाइते भएका थिए ।
फुजियानमा पनि एक जनाको मृत्यु भएको बताइएको छ । चीनका विभिन्न भाग जलमग्न बनेको छ भने बाढीका कारण लाखौं मानिस प्रभावित भएका छन् । फुजियनमा मात्र दुई दिनमा ३ सय मिलिमिटर वर्षा भएको थियो ।- रातोपाटी बाट
![_91417580_mediaitem91417575](http://www.ratopati.com/wp-content/uploads/2016/09/91417580_mediaitem91417575.jpg)
Post a Comment