काठमाडौं, साउन २२ गते । लिओनल मेस्सी युरोपको उत्कृष्ट खेलाडीको अन्तिम तीनमा पर्न असफल भएका छन् ।
यूइएफले सार्वजनिक गरेको अन्तिम तीनको सूचीमा क्रिष्टियानो रोनाल्डोसँगै ग्यारेथ बल र एन्टोनी ग्रिजम्यान छन् ।
अगष्ट २५ मा फ्रान्सको मानोकोमा हुने च्याम्पियन्स लिगको ड्र सार्वजनिक गर्ने क्रममा विजेताको घोषणा गरिनेछ ।
यो पटक रोनाल्डोलाई दाबोदारको रुपमा हेरिएको छ । उनले पोर्चुगललाई युरोकप जिताए भने रियल मड्रिडबाट च्याम्पियन्स लिगको उपाधि समेत जितेका थिए ।
गत सिजनको युरोपको उत्कृष्ट खेलाडी बार्सिलोनाका अर्जेन्टिनी स्टार मेस्सी यो पटक पाँचौ स्थानमा रहे । उनलाई क्लबका टिममेट लुइस स्वरेजले उछिनेका छन् ।-अनलाइनखबरबाट
Post a Comment