उत्तर कोरियाको नयाँ महाविनाशकारी मिसाइल, यसैमा घमण्ड गर्छन् किम जोंग

उत्तर कोरियाका तानाशाह किम जोंग उनको क्रुरता दिनप्रति दिन बढ्दो छ । तीन दिन पहिले मात्र उनले ओलम्पिकबाट खाली हात फर्कने खेलाडीहरुलाई कोइला खानीमा काम गर्ने आदेश दिएका थिए र अब उनी संसारको सबैभन्दा शक्तिशाली देश अमेरिकामाथि परमाणु हमला गर्ने धम्की दिएका छन् ।

आखिर किम किन यति धेरै क्रुर छन् । उनीसँग त्यस्तो के ताकत छ जसका कारण उनी संसारको सबैभन्दा शक्तिशाली देशलाई बारम्बार चेतावनी दिन्छन् ? किनभने उनीसँग महाविनाश गर्नसक्ने क्षमता छ । उनीसँग भएको ब्यालिस्टिक मिसाइलले यो कुरामा मद्दत गर्नेछ । यहि परमाणु हतियार नै उनको ताकत हो ।

स्मरण रहोस्, यहि वर्ष जनवरी ६ तारिखका दिन उत्तर कोरियाको उत्तर–पूर्वी इलाका ५.१ तिब्रताको भूकम्पको झट्काले हल्लिएको थियो । तर पछि थाहा भयो कि झट्काको कारण भूकम्प नभई परमाणु बमको परिक्षण थियो । किम खतरनाक हतियारका शौखिन हुन् ।

उत्तर कोरियासँग महाविनाशका यस्ता हतियार छन्ः

– यो देशसँग १५ देखि २५ एटम बम भएको अनुमान गरिन्छ ।

– यसका साथै यो देशले हाइड्रोजन बम बनाउने दाबीसमेत गरेको छ ।

मिसाइलहरुको कुरा गर्नुपर्दाः KN-1 मिसाइलको रेन्ज ११० किलोमिटरसम्म रहेको छ ।

KN-2 को रेन्ज १२० किलोमिटर छ ।

ह्वासंग–५ मिसाइलको रेन्ज ३३० किलोमिटरसम्म रहेको छ ।

ह्वासंग–६ को भने ७०० किलोमिटर रहेको छ ।

रोडन्ग–१ मिसाइलको रेन्ज १६०० किलोमिटर छ ।

मुसुडेनः यो मिसाइलको रेन्ज ४ हजार किलोमिटर रहेको छ ।

यस बाहेक किम जोंगसँग विषालु ग्याँस पनि रहेको छ । जानकारीका अनुसार उत्तर कोरियासँग करिब ५ हजार टन मस्टर्ड ग्याँस, सेरिन र नर्व ग्याँस छन् ।- एजेन्सी