काठमाडौं, साउन १२ गते । युभेन्टसले अर्जेन्टिनी स्ट्राइकर गोन्जालो हिगुइनलाई नापोलीबाट ७५.३ मिलियन पाउण्डमा भित्र्याएको छ ।
२८ वर्षे हिगुइनले पाँच वर्षे सम्झौता गरेका छन् । क्लबले तिर्ने रकम भने ९० मिलियन युरो छ, जुन दुई किस्तामा दिइनेछ ।
यससँगै फ्रान्समा जन्मिएका अर्जेन्टिनी फवार्ड हिगुइनको ट्रान्सफर तेस्रो महंगो बनेको छ । एउटै देशको एक क्लबबाट अर्को क्लबमा भने यो कीर्तिमानी मूल्य हो ।
हिगुइनअघि रियल मडि्रडले रोनाल्डोलाई ८० र ग्यारेथ बेललाई ८५ मिलियन पाउण्डमा किनेको थियो । एउटै लिगको क्लबमा भने फर्नान्डो टोरेसलाई चेल्सीले लिभरपुलबाट किनेको ५० मिलियन नै यसअघिको कीर्तिमानी ट्रान्सफर रकम थियो ।
हिगुइन २०१३ मा रियल मडि्रडबाट ३४.५ मिलियन पाउण्डमा नापोली गएका थिए । यो पटक उनी आर्सनल आउने सम्भावना थियो । तर, उसले यति रकम खर्च गर्न चाहेन ।
हिगुइन युभेन्टस गरेपछि पल पोग्बोलाई म्यानचेष्टर युनाइटेड आउने बाटो खुलेको अनुमान गरिएको छ ।
हिगुइनले गत सिजन सिरिए मा सर्वाधिक ३६ गोल गर्दै गोल्डेन बुट जितेका थिए । तर, उनको क्लब नापोली भने युभेन्टसभन्दा पछि रहँदा उपविजेतामात्र बन्न सक्यो ।-अनलाइनखबरबाट
Post a Comment