इटहरी, रातभर परेको अविरल वर्षाका कारण सुनसरी जिल्लाको विभिन्न खोलामा आएको बाढीले बस्ती तथा गाईगोठसमेत डुबान गरेको छन् ।
![](http://i1.wp.com/www.news24nepal.tv/wp-content/uploads/2016/07/13502126_969268536504413_6449100316965280523_n-750x563.jpg?resize=669%2C503)
वर्षाकै कारण अमडुवा–७ २२ घर ५ मा २७ घर र ४ मा १४ घर डुबानमा परेका छन् । स्थानीय धमुना खोलामा आएको बाढीका कारण डुबान भएको हो । यसैगरी टेङ्ग्रा खोलामा आएको बाढीका कारण अमाहीबेला–४ मा ३४ घर र ५ मा २२ घर डुबानमा परेका छन् ।
![](http://i1.wp.com/www.news24nepal.tv/wp-content/uploads/2016/07/duban-1-660x330.jpg?resize=646%2C323)
जिल्ला प्रहरी कार्यालय सुनसरीले दिएको तथ्याङ्कमा उल्लेख भएअनुसार पश्चिम कुशाहा–९ मा पानीको निकास नहुँदा नौ घर जलमग्न बन्न पुगेको छ । यता बूढीखोलामा आएको बाढीले अमाहीबेलाहा–८ मा पनि केही डुबानमा परेको छ ।
![](http://i2.wp.com/www.news24nepal.tv/wp-content/uploads/2016/07/Saptari.jpg?resize=627%2C328)
घर गोठ डुबानमा परेपछि मानिस भने अग्लो स्थानतिर सरेका र चौपायालाई खुला छाडिदिएको बताइएको छ । घर डुबानमा परेपछि खाद्यान्न र लत्ताकपडासमेत भिजेकाले समस्या परेको छ ।
![](http://i0.wp.com/www.news24nepal.tv/wp-content/uploads/2016/07/The-flooded-road-to-NRCS-offices-in-Bardiya.jpg?resize=627%2C376)
प्रहरी उपरीक्षक पोषराज पोख्रेलका अनुसार आज बिहान ६ बजे सप्तकोसी नदीमा दुई लाख २२ हजार ९०५ क्युसेक प्रतिसेकेन्ड बाढी मापन भएको छ । बाढी निकासका लागि ब्यारेजका ३० ढोका खुल्ला गरिएका छन् । रासस
Post a Comment