Websoft University

www.radiomakalu.com || 021-522512


कारागार जीर्ण बन्दा कैदीलाई समस्या

डोटी, १७ जेष्ठ गते । डोटीको सदरमुकाम सिलगढीमा अवस्थित जिल्ला कारागार जीर्ण बन्दा कैदीलाई समस्या हुने गरेको छ ।




जीर्ण बनेको कारागारमा वर्षा हुँदा चुहिने, ओश आउने समस्या रहेको छ ।

जिल्ला कारागारमा कर्तव्य ज्यान मुद्दामा कैद भोगिरहेका घाँगल गाविसका कैदी दीपेन्द्र जेठाराका अनुसार वर्षात्को समयमा कैदीलाई बस्न निकै समस्या हुने गरेको छ । उहाँले भन्नुभयो – “पुरानो भवन भएकै कारण कैदीलाई फराकिलो वातावरणमा बस्ने समस्या छ, एकातिर पानी आएपछि चुहिन्छ” – धेरैपटक कारागारलाई आग्रह गर्दासमेत मागको सुनुवाइ नभएको उहाँले गुनासो गर्नुभयो ।

राणा शासनकालमा निर्मित यस कारागारमा कैदीलाई बस्ने कोठासमेत स–साना रहेको तथा कैदीलाई खेल्न र रमाइलो गर्नलाई एकदमै थोरै क्षेत्रफल रहेको कारागारको स्थापना भएको कारागारका जेलर यज्ञराज पाठकले बताउनुभयो ।

जम्मा १२ आनामात्रै क्षेत्रफल भएको कारागारमा ४५ जना कैदी बस्ने क्षमता भएकामा हाल आठजना थुनुवा, दुई महिला र २३ जना कैदीबन्दी रहेका छन् ।

कारागारसँगै जोडिएको खाद्य संस्थानको खाली जग्गालाई खरिद गरी आवश्यक संरचना निर्माण गर्ने प्रक्रिया अगाडि बढाइएको भएपनि सफल हुन नसकेको पाठकको भनाइ छ ।

हाल गणतन्त्र दिवसका अवसरमा यस कारागारबाट नौ कैदी रिहा भएपछि जिल्ला कारागार डोटीमा ३३ जना कैदीबन्दी रहेका छन् ।



Post a Comment

MKRdezign

{facebook#http://fb.com/www.bhawesh.com.np}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget