Websoft University

www.radiomakalu.com || 021-522512


महिला विश्वकप छनोट : नेपाललाई भाग्यको साथ चाहिने

महिला विश्वकप छनोट : नेपाललाई भाग्यको साथ चाहिने

थाइल्यान्डमा जारी अन्तर्राष्ट्रिय क्रिकेट काउन्सिल (आईसीसी) महिला टीट्वेन्टी विश्वकपको एसियाली छनोटअन्तर्गत राउन्ड रोविनको आफ्नो पाँचौं तथा अन्तिम खेलमा नेपालले आइतबार छिमेकी प्रतिद्वन्द्वी चीनको सामना गर्दैछ।
आइतबारको खेलमा नेपालले चीनलाई हराउन सके विश्वकपमा छनोट हुने सम्भावनालाई कायमै राख्नेछ। यसका लागि आइतबार नै हुने अर्को खेलमा हङकङ र यूएई पराजित हुनुपर्नेछ। हङकङले थाइल्यान्ड र यूएईले मलेसियाको सामना गर्दैछ।
६ टोली सहभागी यस प्रतियोगितामा राउन्ड रोविन लिगपछि शीर्ष दुईमा रहने टोली विश्वकपको ग्लोबल छनोट प्रतियोगिताका लागि चयन हुने प्रावधान छ। अहिलेसम्मको अंकतालिकामा थाइल्यान्ड चार खेलबाट सात अंक जोड्दै शीर्ष स्थानमा छ। दोस्रो स्थानमा रहेको यूएईले चार खेलबाट ६ अंक जोडेको छ। चार खेलबाट पाँच अंक जोडेको हङकङ तेस्रो स्थानमा छ। नेपाल भने चार अंकसहित चौथो स्थानमा छ। यस्तै मलेसियाको दुई अंक छ भने चीनले खाता खोल्न सकेको छैन।
सुरुवाती दुई खेलमा थाइल्यान्ड र हङकङसँग वर्षाले खेल रद्द भएपछि अंक बाँडेको नेपालले तेस्रो खेलमा यूएईसँग अप्रत्याशित हार व्यहोरेको थियो। नेपालले चौथो खेलमा मलेसियालाई हराएर प्रतियोगितामा पहिलो जित हात पार्न सफल भयो। अन्तर्राष्ट्रिय महिला क्रिकेटमा यूएई पहिलो पटक खेलिरहेकाले यही टोलीसँग व्यहोरेको पाँच रनको हारले नेपालको छनोट होड कठिन बनेको थियो।
चीन यसअघि भएका दुवै एसियाली छनोट संस्करणमा शीर्ष दुईमा रहेर ग्लोबल छनोटमा पुगेको थियो। तर यस पटक भने चीनले राम्रो प्रदर्शन गर्न सकेको छैन। उसले पहिलो खेलमै यूएईसँग हार व्यहोरेको थियो। नेदरल्यान्ड्समा आगामी जुनमा आयोजना हुने ग्लोबल छनोटमा विश्वभरका आठवटा टोलीको सहभागिता रहनेछ। नेपाल हालसम्म ग्लोबल छनोटमा छानिन सकेको छैन। अघिल्ला दुवै प्रतियोगितामा एसियाबाट चीन र थाइल्यान्डले सहभागिता जनाएका थिए।

Post a Comment

MKRdezign

{facebook#http://fb.com/www.bhawesh.com.np}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget