Websoft University

www.radiomakalu.com || 021-522512


आँपको शौखिन हुनुहुन्छ ? त्यसो भए यो पढ्नुहोस्



आँपलाई फलको राजा भनिन्छ । यो मौसममा हरेक चोक, पसलमा आँप देख्न सकिन्छ । आँपलाई फलको राजा यसकारण भनिन्छ किनभने यसलाई अधिकांस मानिसले मन पराउँछन् र यसमा पोषक तत्व पनि अत्यधिक हुन्छ । आँपले पाचन प्रक्रियालाई सुधार्छ भने छालालाई कोमल बनाउन पनि सहयोग गर्दछ । यहाँसम्मकी यसले छालाको रंगलाई सफा गर्न पनि सहयोगी भूमिका निभाउने गर्दछ । तर यति फाइदाजनक हुँदा हुँदै पनि आँपले हानी पनि पुर्याउँछ ।

त्यसकारण आँप खानुभन्दा पहिले यसबारे केही कुरा थाहा पाउन आवश्यक छ ।

१. मधुमेह छ भने आँपबाट टाढै रहनुहोस्ः

आँपमा नेचुरल सुगर हुन्छ तर हाम्रो शरिरलाई नेचुरल सुगर पनि केही परिमाणमा मात्र चाहिन्छ । त्यसकारण यदि तपाईंलाई मधुमेह छ भने आँपसँग टाढै बस्दा राम्रो । आँपको शौखले तपाईंलाई अस्पतालको चक्कर पनि लगाउन सक्छ ।

२. धेरै आँप खाँदा डण्डीफोरलाई निम्तोः

आँपको स्वाद यस्तो हुन्छ कि तपाईं चाहेर पनि आफूलाई रोक्न सक्नुहुन्न र धेरै खानुहुन्छ भने यस्तोमा तपाईंले आँप निकै गर्मी फल भएको बुझ्नुपर्छ । यसको धेरै सेवन गर्दा अनुहारमा डण्डीफोर आउने गर्दछ । आँपलाई सिमित मात्रामा खानुहोस् नभए अनुहारको रंग र चमक दुबै हराउनसक्छ ।

३. दाद, चिलाउने समस्याः

याद राख्नुहोस्, आँपको टुप्पोबाट तरल पदार्थ निस्कन्छ जसलाई यदि राम्रोसँग सफा नगरे वा त्यसलाई नहटाए मुखको स्वाद त  बिग्रन्छ नै, यसले दाद र चिलाउने समस्या पनि निम्तने गर्दछ । यदि त्यो गलाभित्र छिर्यो भने दुखाई र सुन्निने समस्या पनि देखिन सक्छ । जसलाई जोर्नीको समस्या छ र साइनसजस्तो रोगको शिकार हुनुहुन्छ भने उनीहरु आँपबाट टाढै बस्नुपर्छ ।

४. पेट खराबः

ध्यानमा राख्नुहोस्, आँपले केही रोगलाई थप बढाउने गर्दछ । आँपको सिधा सम्बन्ध तपाईंको पेटसँग हुने गर्दछ । सिमित मात्रामा आँप खाँदा यसले पाचन क्रियालाई सुधार्छ भने यसको अत्यधिक सेवनले पाचन क्रियालाई नष्ट गर्नुका साथै झाडासमेत लाग्छ ।

५. तौल बढ्छः

आँपमा अत्यधिक क्यालोरी हुन्छ जसले तौल बढाउनका सहयोग गर्दछ । एक मध्ययम आकारको आँपमा १ सय ३५ क्यालोरी पाइन्छ । आफ्नो तौल नबढोस् भन्ने चाहनुहुन्छ भने यो कम नै खानुहोस् ।- एजेन्सी


Post a Comment

MKRdezign

{facebook#http://fb.com/www.bhawesh.com.np}

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget